GT vs CSK IPL 2023 Final : कप जिंकायचा असेल, तर पहिला तिघांचा बंदोबस्त कर, सचिन तेंडुलकरचा धोनीला सल्ला

अहमदाबाद : नरेंद्र मोदी स्टेडियमवर आज IPL 2023 ची फायनल खेळली जाणार आहे. या मॅचमध्ये विद्यमान चॅम्पियन आणि यजमान गुजरात टायटसन्ससमोर चेन्नई सुपर किंग्सच आव्हान असणार आहे. गुजरातने मागच्या सीजनमध्ये आयपीएल डेब्यु केला होता. किताब जिंकण्यात ते यशस्वी ठरले होते. या सीजनमध्ये सुद्धा ही टीम शानदार फॉर्ममध्ये आहे. फायनलमध्ये गुजरात विरुद्ध सीएसके अटी-तटीचा सामना होईल, अशी अपेक्षा आहे. या मॅचआधी क्रिकेटचा देव सचिन तेंडुलकरने गुजरातवर विजय मिळवण्यासाठी CSK ला महत्वाच्या टिप्स दिल्या आहेत.

सचिनने या मॅचआधी एक मोठं टि्वट केलय. त्यात त्याने गुजरातचा सलामीवीर शुभमन गिलच कौतुक केलय. त्याचवेळी चेन्नईला जिंकायच असेल, तर तीन फलंदाजांना लवकर आऊट कराव लागेल, असं म्हटलय.

गुजरातचे ते धोकादायक खेळाडू कोण?

गुजरात एक शानदार टीम आहे, असं सचिन तेंडुलकरने म्हटलय. चेन्नईसाठी शुभमन गिल, डेविड मिलर आणि हार्दिक पांड्याची विकेट महत्वाची असणार आहे. चेन्नईला ट्रॉफी जिंकण्यासाठी, या तिघांना लवकर आऊट करण आवश्यक आहे. गिल या सीजनमध्ये शानदार फॉर्ममध्ये आहे. तीन शतकांच्या मदतीने त्याने 851 धावा केल्या आहेत. डेविड मिलरकडे फिनिशिंगची क्षमता आहे. हार्दिक पांड्या सुद्धा तसाच आहे.

सचिनने काय सांगितलं?

सचिनने चेन्नईच्या फलंदाजीच सुद्धा कौतुक केलय. एमएस धोनी आठव्या नंबरवर बॅटिंगसाठी येतो. त्यामुळे या टीमची फलंदाजी खोलवर आहे. सचिनच्या मते, फायनलमध्ये दोन्ही टीम्सच्या बॅटिंगचा सामना असेल. ज्या टीमची फलंदाजी कमकुवत होईल, त्यांचा पराभव होईल.

Shubman Gill’s performance this season has been nothing short of unforgettable, marked by two centuries that left an indelible impact. One century ignited @mipaltan‘s hopes, while the other dealt them a crushing blow. Such is the unpredictable nature of cricket!

What truly… pic.twitter.com/R3VLWQxhoT

— Sachin Tendulkar (@sachin_rt) May 28, 2023

सचिनकडून शुभमन गिलच भरभरुन कौतुक

क्वालिफायर-2 मध्ये शुभमन गिल मुंबई इंडियन्स विरुद्ध जी इनिंग खेळला, त्याच सचिनने तोंडभरुन कौतुक केलं. गिलने मुंबई विरुद्ध शतकी खेळी केली. ज्यामुळे गुजरात टायटन्सने आरामात फायनलमध्ये प्रवेश केला. गिलच कौतुक करताना सचिनने टि्वटमध्ये लिहिलय की, गिलने या सीजनमध्ये शानदार खेळ दाखवला. त्याच्या दोन शतकांचा दमदार इम्पॅक्ट आहे. गिलच्या मुंबई विरुद्ध शतकी खेळीत काय आवडलं? ते सुद्धा सचिनने सांगितलय. त्या इनिंगमध्ये गिलच टेम्परामेंट, शांततापूर्वक फलंदाजी आणि धावांची भूक दिसली. त्याशिवाय एकेरी-दुहेरी धावा पळून काढण्याने प्रभावति केलं, असं सचिनने म्हटलय.