Aus vs Ind, 3rd Test | जिगरबाज जाडेजा, अंगठ्याला फ्रॅक्चर, तरीही इंजेक्शन घेऊन मैदानात उतरणार

रवींद्र जाडेला पहिल्या डावात फलंदाजी करताना अंगठ्याला दुखापत झाली होती. यामुळे त्याला दुसऱ्या डावात गोलंदाजी करता आली नव्हती.

  • टीव्ही 9 मराठी डिजीटल टीम
  • Published On - 11:03 AM, 11 Jan 2021
Aus vs Ind, 3rd Test | जिगरबाज जाडेजा, अंगठ्याला फ्रॅक्चर, तरीही इंजेक्शन घेऊन मैदानात उतरणार
रवींद्र जाडेजा

सिडनी : ऑस्ट्रलिया विरुद्ध टीम इंडियात (Aus vs Ind 3rd Test) सिडनीत तिसऱ्या कसोटीतील पाचव्या दिवसाचा खेळ सुरु आहे. सामना रंगतदार स्थितीत आहे. टीम इंडियाच्या जिंकण्याच्या शक्यता जास्त आहे. ताज्या आकडेवारीनुसार टीम इंडियाची 289-5 अशी धावसंख्या आहे. त्यामुळे टीम इंडियाला विजयासाठी 118 धावांची आवश्यकता आहे. हनुमा विहारी आणि रविचंद्रन अश्विन मैदानात कांगारुंच्या भेदक माऱ्याचा सामना करत आहेत. यानंतर भारताकडे खोलवर फलंदाज नाहीत. मात्र टीम इंडियाचा अष्टपैलू खेळाडू रवींद्र जाडेजा (Ravindra Jadeja) फलंदाजीसाठी सज्ज आहे. जाडेजा दुखापतग्रस्त असूनही इंजेक्शन घेऊन खेळायला येणार असल्याची माहिती सूत्रांकडून देण्यात आली आहे. (aus vs ind 3rd test all rounder jadeja will batting with injection in 2nd innings if team india needed)

जाडेजाला या तिसऱ्या सामन्यातील पहिल्या डावात फलंदाजी करताना दुखापत झाली होती. जाडेजाच्या डाव्या हाताच्या अंगठ्याला दुखापत झाली. यानंतर तिसऱ्या दिवसाचा खेळ संपल्यानंतर जाडेजावर स्कॅन करण्यात आला. या स्कॅन रिपोर्टमध्ये जाडेजाच्या अंगठ्याला फ्रॅक्चर झाल्याचं निदान झालं. या दुखापतीमुळे जाडेजाला दुसऱ्या डावात गोलंदाजीही करता आली नव्हती.

जाडेजाने या तिसऱ्या सामन्यातील पहिल्या डावात कांगारुंच्या एकूण 4 फलंदाजांना बाद केलं. तसेच स्टीव्ह स्मिथला रॉकेट थ्रो करत रन आऊट केलं. तसेच बॅटिंगनेही तो कमाल करत होता. मात्र दुखापत झाल्याने त्याला 28 धावांवर मैदानाबाहेर जावे लागले.

जाडेजाला ऑस्ट्रेलियाविरोधातील दुसऱ्या कसोटीत विराट कोहलीच्या जागी संधी देण्यात आली. जाडेजाने या दुसऱ्या सामन्यात शानदार कामगिरी केली. जाडेजाने दुसऱ्या कसोटीतील पहिल्या डावात 57 धावा केल्या. तसेच गोलंदाजी करताना पहिल्या आणि दुसऱ्या डावात अनुक्रमे 1 आणि 2 अशा एकूण 3 विकेट्स घेतल्या. तसेच दमदार फिल्डिंगही केली.

संबंधित बातम्या :

Ravindra Jadeja | टीम इंडियासाठी मोठा धक्का, जाडेजा इंग्लंडविरोधातील पहिल्या 2 कसोटींना मुकणार

Australia vs India, 3rd Test, 5th Day Live : हनुमा विहारी-अश्विनचा संघर्ष जारी, विजयासाठी आणखी 118 धावांची गरज

(aus vs ind 3rd test all rounder jadeja will batting with injection in 2nd innings if team india needed)