Gautam Gambhir : महेंद्रसिंग धोनी याचा गंभीरने त्यावेळी सर्वात जास्त इगो दुखावलेला, इरफान पठाणने केला मोठा खुलासा!
गंभीरचे माजी खेळाडू महेंद्रसिंग धोनीसोबतही काही खास संबंध नसल्याचं सर्वांसमोर आलं आहे. गंभीरच्या अनेक स्टेटमेंटमधूनही अनेकदा त्याला धोनी फारसा काही आवडत नसल्याचं दिसून आलं होतं. अशातच याबाबत भारताचा माजी खेळाडू इरफान पठाणे याने खुलासा केला आहे.
मुंबई आयपीएलमधील सामन्यात भारतीय संघाचा स्टार क्रिकेटर विराट कोहली आणि माजी क्रिकेटपटू गौतम गंभीर यांच्यात झालेला राडा चांगलाचा चर्चेत आहे. विराट कोहली आणि गौतम गंभीर हे एकमेकांना भिडण्याची पहिलीच वेळ नाही. याआधीही दोघांमधील वाद आपण पाहिला आहे. 2013 साली दोघांमध्ये वाद झाला होता. त्यावेळी कोलकाता संघाच्या कर्णधारपदाची धुरा गौतम गंभीरकडे होती. गंभीरचे माजी खेळाडू महेंद्रसिंग धोनीसोबतही काही खास संबंध नसल्याचं सर्वांसमोर आलं आहे. गंभीरच्या अनेक स्टेटमेंटमधूनही अनेकदा त्याला धोनी फारसा काही आवडत नसल्याचं दिसून आलं होतं. याबाबत भारताचा माजी खेळाडू इरफान पठाणे याने खुलासा केला आहे.
काय म्हणाला इरफान पठाण?
IPL 2023 मध्ये, LSG आणि चेन्नई सुपर किंग्ज (CSK) यांच्यातील सामना बुधवारी लखनऊमध्ये होणार होता. मात्र, पावसामुळे सामना रद्द करण्यात आला. या सामन्यापूर्वी झालेल्या चर्चेत इरफानने गंभाीरबाबतची ती गोष्ट सांगितली. गौतम गंभीर याच्या त्या एका कृतीमुळे माहीचा इगो सर्वात जास्त दुखावला गेला होता.
2016 मध्ये पुणे सुपरजायंट्स विरूद्ध केकेआर यांच्यात सामना सुरू होता. त्यावेळी केकेआरचा कर्णधार गौतम गंभीर होता. महेंद्र सिंग धोनी बॅटींग करत असताना धोनीसाठी त्याने कसोटी क्रिकेटसारखी फिल्डिंग लावली होती. बेस्ट फिनिशर म्हणून ओळख असलेल्या धोनीला ही गोष्ट खूप लागली होती. इरफान पठाण त्यावेळी पुणे सुपरजायंट्स भाग होता.
गौतम गंभीर याने धोनीसाठी लावलेली फिल्डिंग त्यावेळी चर्चेचा विषय बनली होती. गंभीरच्या नेतृत्वाखाली केकेआर दोनदा चॅम्पियन बनलं आहे. ज्यावेळी गौतम गंभीर धोनीच्या नेतृत्त्वाखाली संघात खेळत होता, त्यावेळी ड्रेसिंग रूममध्ये काही आलबेल नसल्याचं समोर आलं होतं. धोनी आणि गंभीर यांच्यात फार काही जमत नसल्याचं अनेकवेळा दिसून आलं होतं. त्यासोबच या खेळाडूंना संघात परत जागा न मिळण्यामागे धोनी असल्याची दबव्या आवाजात कायम चर्चा सुरू असते.
