IPL 2022: David warner वर वीरेंद्र सेहवागचे गंभीर आरोप, धक्कादायक माहिती उघड
IPL 2022: "काही वेळेला तुम्ही एखाद्या खेळाडूला धडा शिकवण्यासाठी बाहेर ठेवता. तो नवीन होता. तू एकटाच संघासाठी महत्त्वाचा नाही, इतर खेळाडू सुद्धा तितकेच महत्त्वाचे आहेत, हे दाखवून देणं आवश्यक होतं"
मुंबई: भारताचा माजी क्रिकेटपटू वीरेंद्र सेहवागने (Virender sehwag) दिल्लीचा फलंदाज डेविड वॉर्नरच्या वर्तनाबद्दल धक्कादायक माहिती उघड केली आहे. सेहवागच्या मते डेविड वॉर्नर (David warner) एक आदर्श व्यावसायिक खेळाडू नाही. वॉर्नरच क्रिकेटवर जास्त लक्ष नव्हतं, तो पार्ट्या जास्त करायचा असं, सेहवागने म्हटलं आहे. डेविड वॉर्नरने 2009 सालापासून दिल्ली डेअरडेव्हिल्सकडून खेळायला सुरुवात केली. चार सीजन खेळल्यानंतर 2013 मध्ये वॉर्नरला दिल्लीने रिलीज केलं. त्यावेळी सेहवान दिल्ली डेअरडेव्हिल्सचा कॅप्टन होता. आता हाच संघ दिल्ली कॅपिटल्स (Delhi capitals) म्हणून ओळखला जातो. “मी सुद्धा माझा राग काही खेळाडूंवर काढायचो. डेविड वॉर्नर त्यापैकी एक होता. जेव्हा तो नव्याने संघात आला होता, तेव्हा तो सराव, सामन्यांपेक्षा पार्ट्या जास्त करायचा. पहिल्यावर्षी त्याची काही खेळाडूंबरोबर भांडण झाली” असं सेहवागने सांगितलं.
तू एकटाच संघासाठी महत्त्वाचा नाही
“काही वेळेला तुम्ही एखाद्या खेळाडूला धडा शिकवण्यासाठी बाहेर ठेवता. तो नवीन होता. तू एकटाच संघासाठी महत्त्वाचा नाही, इतर खेळाडू सुद्धा तितकेच महत्त्वाचे आहेत, हे दाखवून देणं आवश्यक होतं. अन्य खेळाडू सुद्धा टीमसाठी खेळतात व मॅच जिंकवून देतात. त्यामुळे आम्ही त्याला बाहेर बसवलं व मॅच सुद्धा जिंकलो” असं सेहवगाने सांगितलं.
SRH विरुद्ध खेळण्यासाठी वेगळी प्रेरणा लागत नाही
डेविड वॉर्नर जागतिक क्रिकेटमध्ये सातत्यपूर्ण प्रदर्शन करणारा फलंदाज आहे. प्रत्येक आयपीएल सीजनवर त्याने वर्चस्व गाजवलं आहे. मागच्या सामन्यात दिल्लीकडून खेळताना न्यू साऊथ वेल्सच्या या आक्रमक फलंदाजने SRH विरुद्ध 92 धावांची खेळी केली. सामनावीराचा पुरस्कार पटकावून संघाच्या विजयात महत्त्वाची भूमिका बजावली. सामन्यानंतर त्याची कामगिरी आणि रोव्हमॅन पॉवेल सोबतच्या फलंदाजीवर त्याने भाष्य केलं. “खेळपट्टी खरोखरच चांगली होती. मला इथे यश मिळालं आहे. मी इथे माझ्या पद्धतीचं क्रिकेट खेळलो, तर फायदा होईल, हे मला माहित होतं” असं सेहवाग म्हणाला. “रोव्हमॅन पॉवेल सोबत खेळणं खरोखरच एक आनंददायी अनुभव होता. सनरायजर्स हैदराबाद विरुद्ध खेळण्यासाठी मला वेगळी प्रेरणा लागत नाही” असं वॉर्नर म्हणाला.
