ऑस्ट्रेलिया विरुद्धच्या सीरीजसाठी कशी असेल टीम इंडियाची प्लेईंग इलेवन

वर्ल्डकप नंतर आता भारत आणि ऑस्ट्रेलिया यांच्यात 5 सामन्यांच्या टी-20 मालिका होणार आहे. या टी२० मालिकेचा पहिला सामना हा  23 नोव्हेंबर रोजी खेळवला जाणार आहे. या मालिकेसाठी भारतीय संघाचीही सोमवारी रात्री घोषणा करण्यात आली. भारतीय संघात अनेक नवीन खेळाडूंना संधी देण्यात आली आहे. हार्दिक पांड्या सध्या दुखापतीमुळे बाहेर आहे. त्यामुळे त्याला विश्रांती देण्यात आली आहे. वरिष्ठ खेळाडूंनाही विश्रांती देण्यात आली आहे. हार्दिक पांड्याच्या जागी आता टीम इंडियाचा स्फोटक फलंदाज सूर्यकुमार यादवकडे टी-20 चे कर्णधारपद सोपवण्यात आले आहे.  पहिल्या सामन्यासाठी ऑस्ट्रेलियाची प्लेइंग इलेव्हन काय असू शकते याचा अंदाज घेऊया.

कोणत्या खेळाडूंना मिळू शकते संधी

ऑस्ट्रेलिया विरुद्धच्या मालिकेसाठी टीम इंडियाचा घोषणा करण्यात आली आहे. 23 नोव्हेंबरपासून सुरु होत असलेल्या या पाच सामन्यांच्या T20 सीरीजसाठी सूर्यकुमार यादव कर्णधार असणार आहे. तर रुतुराज गायकवाड उपकर्णधार असणार आहे. पहिल्या सामन्यात सूर्यकुमार यादव (कर्णधार), ऋतुराज गायकवाड (उपकर्णधार), इशान किशन, यशस्वी जैस्वाल, टिळक वर्मा, रिंकू सिंग, जितेश शर्मा (यष्टीरक्षक), वॉशिंग्टन सुंदर, अक्षर पटेल, शिवम दुबे, रवी बिश्नोई, अर्शदीप सिंग, प्रशीद कृष्णा, आवेश खान, मुकेश कुमार यांना संधी मिळू शकते.

प्लेइंग इलेव्हन काय असू शकते?

सूर्यकुमार यादव (कर्णधार), रुतुराज गायकवाड (उपकर्णधार), इशान किशन (यष्टीरक्षक), यशस्वी जैस्वाल, टिळक वर्मा, रिंकू सिंग, वॉशिंग्टन सुंदर, अक्षर पटेल, शिवम दुबे, रवी बिश्नोई, अर्शदीप सिंग आणि प्रसीद कृष्णा. मात्र, कर्णधार सूर्यकुमार यादवसमोर उरलेले तीन पर्याय अवेश खान, मुकेश कुमार आणि जितेश शर्मा असतील.

भारत विरुद्ध ऑस्ट्रेलिया टी20 मालिका

पहिला T20 सामना – 23 नोव्हेंबर, संध्याकाळी 7.00 वाजता, विशाखापट्टणम दुसरा T20 सामना – 26 नोव्हेंबर, संध्याकाळी 7.00 वाजता, तिरुवनंतपुरम तिसरा T20 सामना – 28 नोव्हेंबर, संध्याकाळी 7.00 वाजता, गुवाहाटी चौथा T20 सामना – 1 डिसेंबर, संध्याकाळी 7.00 वाजता, नागपूर पाचवा T20 सामना – 3 डिसेंबर, संध्याकाळी 7.00 वाजता, हैदराबाद