INDvsAUS | भारत-ऑस्ट्रेलिया पहिल्या टेस्टमधून 3 क्रिकेटर झटक्यात बाहेर, टीमचं टेन्शन वाढलं

नागपूर : टीम इंडिया विरुद्ध ऑस्ट्रेलिया यांच्यात बॉर्डर गावसकर सीरिजमधील पहिला सामना हा 9-13 फेब्रवारी दरम्यान पार पडणार आहे. सामन्याचं आयोजन नागपूरमध्ये विदर्भ क्रिकेट असोसिएशनच्या स्टेडियमवर करणअयात आलं आहे. मात्र या पहिल्याच सामन्याआधी टीमचे 3 मोठे मॅचविनर खेळाडू हे बाहेर झाले आहेत. दुखापतीमुळे या तिघांना नागपूर कसोटी सामन्यात खेळता येणार नाही. या तिघांच्या दुखापतीमुळे टीम मॅनेजमेंटचं टेन्शन वाढलंय.

टीम इंडियाचा फलंदाज श्रेयस अय्यर याला पाठीच्या दुखापतीमुळे पहिल्या कसोटीतून बाहेर पडला आहे. श्रेयस दुखापतीतून अपेक्षेप्रमाणे बरा झालेला नाही. त्यामुळे श्रेयसची अनुपस्थिती टीमसाठी डोकेदुखी ठरु शकते. अय्यरसाठी 2022 हे वर्ष अविस्मरणीय असं राहिलं. अय्यरने 2022 मध्ये 17 वनडेत 724 धावा केल्या. यासह अय्यर टीम इंडियाकडून 2022 मध्ये सर्वाधिक धावा करणारा पहिला फलंदाज ठरला.

तसेच ऑस्ट्रेलियाचा वेगवान गोलंदाज मिचेल स्टार्क सुद्धा पहिल्या कसोटी सामन्यात खेळणार नाही. स्टार्कला अंगठीच्या दुखापतीचा त्रास सहन करावा लागतोय. स्टार्कला दक्षिण आफ्रिका विरुद्धच्या बॉक्सिंग डे कसोटीत दुखापत झाली होती. त्यामुळे स्टार्कला आफ्रिका विरुद्धच्या मालिकेतील शेवटच्या सामन्यातही खेळता आलं नव्हतं.

स्टार्क हा ऑस्ट्रेलियाचा मॅचविनर खेळाडू आहे. स्टार्क ऑस्ट्रेलियाला एकहाती सामने जिंकवू शकतो. मात्र दुखापतीमुळे तो बाहेर असल्याने ऑस्ट्रेलियासाठी हा मोठा झटकाच आहे.

तसेच ऑस्ट्रेलियाचा दुसरा फास्टर बॉलर जोश हेझलवूड याला पहिल्या 2 सामन्यांना मुकावं लागू शकतं. जोश आधीच पहिल्या सामन्यातून आऊट झाला आहे. इतकंच नाही, तर त्याचं दुसऱ्या सामन्यातही खेळणं अवघड वाटतंय.

ऑस्ट्रेलिया विरुद्धच्या पहिल्या 2 कसोटी सामन्यांसाठी टीम इंडिया

रोहित शर्मा (कॅप्टन), केएल राहुल (उपकर्णधार), शुबमन गिल, चेतेश्वर पुजारा, सूर्यकुमार यादव, विराट कोहली, श्रेयस अय्यर, केएस भरत (विकेटकीपर), इशान किशन (विकेटकीपर), आर अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, उमेश यादव आणि जयदेव उनाडकट.

टीम इंडिया विरुद्धच्या कसोटी मालिकेसाठी ऑस्ट्रेलिया

पॅट कमिन्स (कर्णधार), डेविड वॉर्नर, एश्टोन एगर, स्कॉट बोलँड, एलेक्स कॅरी, कॅमरन ग्रीन, जोश हेझलवुड, पीटर हॅंडस्कॉम्ब, ट्रेविस हेड, उस्मान ख्वाजा, मार्नस लाबुशेन, नॅथन लियॉन, लांस मॉरिस, टॉड मरफी, मॅथ्यू रेनशॉ, स्टीव स्मिथ, मिशेल स्टार्क आणि मिशेल स्वीपसन.

कसोटी मालिकेचं वेळापत्रक

पहिली कसोटी, 9-13 फेब्रुवारी, नागपूर

दुसरी कसोटी, 17-21 फेब्रुवारी, नवी दिल्ली

तिसरी कसोटी, 1-5 मार्च, धर्मशाळा

चौथी कसोटी, 9-13 मार्च, अहमदाबाद