IND vs NED : नेदरलँड्स विरूद्धच्या सामन्यासाठी प्लेइंग ईलेव्हनमधून कुणाला डच्चू? पाहा संभाव्य प्लेइंग ईलेव्हन

टीम इंडिया आयसीसी टी 20i वर्ल्ड कप 2026 स्पर्धेत साखळी फेरीतील आपला चौथा आणि शेवटचा सामना खेळण्यासाठी सज्ज झाली आहे. टीम इंडिया बुधवारी 18 फेब्रुवारीला नेदरलँड्स विरुद्ध भिडणार आहे. टीम इंडियाने याआधी सलग 3 सामने जिंकून सुपर 8 मध्ये प्रवेश केला आहे. त्यामुळे टीम इंडियासाठी नेदरलँड्स विरुद्धचा सामना हा औपचारिकता आहे. त्यामुळे टीम इंडियाच्या प्लेइंग ईलेव्हनमध्ये संधी न मिळालेल्या खेळाडूंचा समावेश केला जाऊ शकतो. अशात टीम इंडियाची संभाव्य प्लेइंग ईलेव्हन कशी असू शकते? हे जाणून घेऊयात.

2 बदल होणार?

टी 20i वर्ल्ड कप 2026 स्पर्धेत इतर खेळाडूंच्या तुलनेत वेगवान गोलंदाज मोहम्मद सिराज आणि अर्शदीप सिंग या दोघांना संधी देण्यात येऊ शकते. तर या दोघांसाठी फिरकीपटू कुलदीप यादव आणि ऑलराउंडर हार्दिक पंड्या या दोघांना विश्रांती देण्यात येऊ शकते. मात्र हा अंदाज आहे. याबाबत कोणतीही अधिकृत माहिती नाही.

अभिषेक शर्माला डच्चू की पुन्हा संधी?

टीम इंडियाचा युवा आणि विस्फोटक फलंदाज अभिषेक शर्मा याने टी 20i वर्ल्ड कप स्पर्धेसारख्या मोठ्या मंचावर घोर निराशा केली. अभिषेक यूएसए विरूद्धच्या सामन्यात पहिल्याच बॉलवर आऊट झाला. अभिषेकचा टी 20i वर्ल्ड कपमधील हा पहिलाच समना होता. अभिषेक गोल्डन डक ठरल्याने त्याच्या चाहत्यांची निराशा झाली .

अभिषेकऐवजी संजू सॅमसन याचा विचार होणार?

अभिषेकला या सामन्यानंतर पोटाचा आजार झाला. त्यामुळे अभिषेकला नामिबिया विरूद्धच्या सामन्याला मुकावं लागलं. त्यामुळे संजू सॅमसन याचा समावेश करण्यात आला. संजूने या सामन्यात भारताला वेगवान सुरुवात करुन देत सन्मानजनक धावा केल्या. संजूला आणखी मोठी खेळी करत अर्धशतक झळकावता आलं असतं. मात्र संजू फटेकबाजीच्या नादात आऊट झाला. त्यामुळे आता सलग 2 सामन्यांत झिरोवर आऊट झाल्यानंतरही टीम मॅनेजमेंट अभिषेकला संधी देणार की संजूकडे जाणार? हे पाहणं महत्त्वाचं ठरणार आहे.

टीम इंडिया प्लेइंग इलेव्हन : सूर्यकुमार यादव (कर्णधार), अभिषेक शर्मा/संजू सॅमसन, इशान किशन (विकेटकीपर), तिलक वर्मा, शिवम दुबे, रिंकू सिंग, अक्षर पटेल, मोहम्मद सिराज/कुलदीप यादव, अर्शदीप सिंह/हार्दिक पंड्या, वरुण चक्रवर्ती आणि जसप्रीत बुमराह.