IND vs ENG 3rd ODI: 4,4,4,4,4…ऋषभ पंतने डेविड विलीला कसं धुतलं, ते या VIDEO मध्ये पहा
IND vs ENG 3rd ODI: ऋषभ पंतच्या (Rishabh Pant) नाबाद शतकाच्या बळावर भारताने तिसऱ्या वनडे सामन्यात इंग्लंडवर (IND vs ENG) 5 विकेटने विजय मिळवला.
मुंबई: ऋषभ पंतच्या (Rishabh Pant) नाबाद शतकाच्या बळावर भारताने तिसऱ्या वनडे सामन्यात इंग्लंडवर (IND vs ENG) 5 विकेटने विजय मिळवला. ऋषभ-हार्दिकच्या (Rishabh-Hardik) जबरदस्त खेळामुळे भारताने तीन वनडे सामन्यांची मालिका 2-1 अशी जिंकली, ऋषभ पंतने नाबाद 125 धावा फटकावल्या. यात 16 चौकार आणि 2 षटकार होते. त्याने शॉट बॉल स्क्वेयर लेगच्या दिशेने फटकावून आपलं पहिलं वनडे शतक झळकावलं. त्याने पुढच्याच ओव्हरमध्ये डेविड विलीची धुलाई करुन वनडे शतकांच सेलिब्रेशन केलं. सामना काही षटकं आणखी चालला असता, पण ऋषभने सामना जवळपास विलीच्या ओव्हरमध्येच संपवला होता. भारतीय विकेटकीपर फलंदाजाने डेविड विलीच्या ओव्हरमध्ये 21 धावा वसूल केल्या. यात 5 चौकारांचा समावेश आहे. त्याने 43 व्या ओव्हरमध्ये ही तडाखेबंद खेळी केली.
फॅन्सकडून होती चौकाराची मागणी
विलीच्या धुलाई झाल्यानंतर पुढच्याच षटकात भारताला विजयासाठी 8 ओव्हर्स मध्ये 3 धावांची गरज होती. पंतने रुटच्या चेंडूवर रिव्हर्स स्वीपचा फटका खेळला. हा चेंडू सीमापार पोहोचवून भारताने विजयावर शिक्कामोर्तब केलं. पंत विलीच्याच षटकात शेवटच्या चेंडूवर चौकार मारेल, अशी चाहत्यांची अपेक्षा होती. संपूर्ण स्टेडियम पंत चौकार मारेल, म्हणून उत्साहात होतं. पण शेवटच्या चेंडूवर त्याने एक रन्स काढला. 260 धावांच्या लक्ष्याचा पाठलाग करायला मैदानात उतरलेल्या टीम इंडियाने खूपच खराब सुरुवात केली होती. 72 धावातच शिखर धवन, रोहित शर्मा, विराट कोहली आणि सूर्यकुमार यादव आऊट झाले. त्यानंतर पंत आणि हार्दिक पंड्याने पाचव्या विकेटसाठी 133 धावांची भागीदारी करुन भारताच्या विजयाचा पाया रचला.
— Guess Karo (@KuchNahiUkhada) July 17, 2022
‘
पंतला मॅच लवकर संपवायची होती
पंड्याने 55 चेंडूत 71 धावा फटकावल्या. भारताला 41 व्या षटकानंतर 54 चेंडूत विजयासाठी 24 धावांची आवश्यकता होती. भारत विजयाच्या दिशेने पुढे जात होता. पण पंतला मॅच लवकर संपवायची होती. त्याने पुढच्याच डेविड विलीच्या षटकात पहिल्या पाच चेंडूत पाच चौकार लगावले. सोशल मीडियावर पंतच्या या फटकेबाजीचा व्हिडिओ व्हायरल होतोय. त्यालाच सामनावीराच्या पुरस्काराने गौरवण्यात आले. त्याने शतकासोबत दोन झेलही घेतले. हार्दिक पंड्याला मालिकावीराच्या पुरस्काराने गौरवण्यात आले. त्याने या सीरीज मध्ये 100 धावा करुन 6 विकेट घेतल्या.
