IND vs SA, 1st ODI: टॉस जिंकल्यावर पहिली फलंदाजी की गोलंदाजी? जाणून बोलँड पार्कचा पीच रिपोर्ट

IND vs SA, 1st ODI: टॉस जिंकल्यावर पहिली फलंदाजी की गोलंदाजी? जाणून बोलँड पार्कचा पीच रिपोर्ट

कसोटी मालिकेत 2-1 असा पराभव झाल्यामुळे वनडे मालिका जिंकण्याच्या इराद्याने टीम इंडिया मैदानात उतरेल. दुसऱ्याबाजूला कसोटी जिंकल्यामुळे दक्षिण आफ्रिकेचा संघ उत्साहाने भरलेला आहे.

टीव्ही 9 मराठी डिजीटल टीम

| Edited By: दीनानाथ मधुकर परब, टीव्ही 9 मराठी डिजीटल

Jan 19, 2022 | 1:04 PM

पार्ल – दक्षिण आफ्रिकेविरुद्ध आजपासून (INDvsSA) तीन वनडे सामन्यांची मालिका (One day series) सुरु होत आहे. पार्लच्या बोलँड पार्क स्टेडियमवर (Boland park) दुपारी 2 वाजता सामना सुरु होईल. वनडेच्या कर्णधारपदावरुन हटवल्यानंतर विराट कोहली प्रथमच एक सामान्य खेळाडू म्हणून ही मॅच खेळणार आहे. त्याचाच जवळचा मित्र केएल राहुल संघाचे नेतृत्व करणार आहे, रोहित शर्मा दुखापतीतून अद्याप सावरलेला नाही. त्यामुळे राहुलला कर्णधारपद भूषवण्याची संधी मिळाली आहे.

कसोटी मालिकेत 2-1 असा पराभव झाल्यामुळे वनडे मालिका जिंकण्याच्या इराद्याने टीम इंडिया मैदानात उतरेल. दुसऱ्याबाजूला कसोटी जिंकल्यामुळे दक्षिण आफ्रिकेचा संघ उत्साहाने भरलेला आहे. वनडेमध्ये टेंबा बावुमाकडे संघाचे नेतृत्व आहे. वर्ल्डकप सुपर लीग पाँईटस टेबलमध्ये वरचे स्थान मिळवण्यासाठी यजमानांना कामगिरी उंचावावी लागेल. सध्या ते दहाव्या स्थानावर आहेत.

बोलँड पार्क पीच रिपोर्ट
पार्लमधील बोलँड पार्कची खेळपट्टी फलंदाजांना अनुकूल आहे. त्यामुळे या सामन्यात चांगली धावसंख्या पाहायला मिळू शकते. वेगवान आऊटफिल्ड आणि सीमारेषा छोटी असल्यामुळे मोठी धावसंख्या उभारली जाऊ शकते. कसोटीमधील खेळपट्टया गोलंदाजांना मदत करणाऱ्या होत्या. याउलट वनडेमध्ये पीच फलंदाजीला अनुकूल आहे. वेगवान गोलंदाजांना अचूक टप्प्यावर गोलंदाजी करावी लागेल, तर ते फलंदाजांना अडचणीत आणू शकतात.

बोलँड पार्क रेकॉर्ड
या मैदानावर एकूण सामने – 13
प्रथम फलंदाजी करणारा संघ – 7 वेळा विजयी
दुसऱ्या डावात फलंदाजी करणारा संघ – 5 वेळी विजयी
पहिल्या डावात सरासरी धावसंख्या – 243
दुसऱ्याडावात सरासरी धावसंख्या – 175

India vs south africa 1st odi paarl boland park knwo the pitch Report

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें