IND vs SA: बुमराह-जॅनसेन मैदानावरच भिडले, अंपायरला करावी लागली मध्यस्थी, काय आहे प्रकरण?

डरबन: जोहान्सबर्ग कसोटी रंगतदार वळणावर असताना मैदानावर खेळाडूंमध्ये तणावही वाढत चालला आहे. आज मैदानावर भारत आणि दक्षिण आफ्रिकेच्या खेळाडूंमध्ये शाब्दीक बाचाबाचीच्या दोन घटना घडल्या. आज तिसऱ्यादिवशी मैदानावर ऋषभ पंत आणि दक्षिण आफ्रिकेच्या रेसी वान डर डुसें यांच्यामधली शाब्दीक बाचाबाची मायक्रोफोनमुळे समजली. पंत आणि डुसें प्रमाणेच भारताचा वेगवान गोलंदाज जसप्रीत बुमराह आणि मार्को जॅनसेनमध्येही मैदानावर वाद झाला. (india vs south africa johannesburg 2nd test jasprit bumrah marco jansen fight on ground)

दोघेही शांत स्वभावाचे खेळाडू दोघेही शांत स्वभावाचे खेळाडू आहेत. मुंबई इंडियन्स संघाकडून दोघे एकत्र खेळलेही आहेत. तरीसुद्धा आज मैदानावर बुमराह आणि जॅनसेनमध्ये शाब्दीक वादावादी झाली. जॅनसेन त्याचा अवघा दुसरा कसोटी सामना खेळतोय. पण त्याने आपल्या गोलंदाजीने भारताला दणके दिले आहेत.

बुमराहवर बाऊंसर चेंडूंचा मारा बाऊंसर चेंडूंवरुन बुमराह आणि जॅनसेनमध्ये वाद झाला. 54 व्या षटकात डावखुरा वेगवान गोलंदाज जॅनसेनने बुमराहवर बाऊंसर चेंडूंचा मारा केला. जॅनसेनचा तिसरा चेंडू बुमराहच्या खांद्याला लागला. त्यानंतर जॅनसेनने चौथा चेंडूही बाऊंन्सरचा टाकला. पण बुमराहने स्वत:ला वाचवलं. त्यानंतर जॅनसेनने बुमराहला ठसन दिली व दोघांमध्ये काही बोलणे झाले.

दोघांची देहबोली आक्रमक होती जॅनसेन रनअप घेण्यासाठी जात असताना, बुमराह पुढे येऊन काहीतरी बोलला. जॅनसेन आणि बुमराह परस्परांच्या खूपच जवळ आले. दोघांची देहबोली आक्रमक होती. त्यावेळी वातावरण शांत करण्यासाठी अंपायरला मध्यस्थी करावी लागली. पंचांनी बुमराहला शांत राहण्यास सांगितले.

Bumrah to take Jansen’s wicket to win us this test ? pic.twitter.com/gg9cggb9WQ

— ً (@Sobuujj) January 5, 2022

बुमराहने मारला षटकार जॅनसेनच्या षटकानंतर रबाडाने सुद्धा बुमराहला बाऊंसर गोलंदाजी केली. पण बुमराहने शानदार षटकार मारला. त्यावेळी पॅव्हेलियनमध्ये उपस्थित संघाने टाळ्या वाजवून बुमराहचे कौतुक केले.

संबंधित बातम्या:

IPL 2022: ‘नाम के हकदार पेहेले आप’, आयपीएलमध्ये लखनऊ संघाच्या बाबतीत पहिल्यांदाच असं घडणार Ajinkya Rahane| करीअर संकटात सापडल्यानंतर रहाणे आणि पुजाराची बॅट तळपली Rishabh Pant| ‘नॅचरल खेळ वैगेर बकवास बंद करा’, गावस्कर ऋषभ पंतवर भडकले

(india vs south africa johannesburg 2nd test jasprit bumrah marco jansen fight on ground)