IND VS SA: 305 धावाही मोठं चॅलेंज, दक्षिण आफ्रिकेचा मार्ग अवघड, कसं ते समजून घ्या…
आज भारतीय संघ लवकर ऑलआऊट झाला असला, तरी इथे फलंदाजी करणे इतके सोपे नव्हते. सेंच्युरियनच्या या विकेटवर गोलंदाज धाक ठेवतील अशी स्थिती आहे.
सेंच्युरियन: पहिल्या डावाप्रमाणे दुसऱ्या डावातही भारतीय फलंदाजांनी सपशेल निराशा केली. कागिसो राबाडा, लुंगी निगीडी आणि मार्को जॅनसेन या त्रिकुटाच्या भेदक माऱ्यासमोर भारताचा डाव 174 धावात आटोपला. पहिल्या डावातील 130 धावांच्या आघाडीच्या बळावर भारताने दक्षिण आफ्रिकेसमोर विजयासाठी 305 धावांचे लक्ष्य ठेवले. दुसऱ्या डावात भारताचा एकही फलंदाज खेळपट्टीवर टिकाव धरु शकला नाही. (India vs South Africa on centurion pitch 305 target is toughest challenge)
चेतेश्वर पुजारा, विराट कोहली, अजिंक्य रहाणे या मधल्या फळीतीली फलंदाजांनी निराश केले. भारताकडून कुणीही अर्धशतकी खेळी केली नाही. ऋषभ पंतने सर्वाधिक (34) धावा केल्या. मागच्या डावातील शतकवीर केएल राहुल आज (23) धावांवर बाद झाला. विराट कोहली (18), चेतेश्वर पुजारा (16) आणि अजिंक्य रहाणे (20) धावांवर बाद झाले. राबाडा, जॅनसेनने प्रत्येकी चार तर निगीडीने दोन विकेट घेतल्या.
सेंच्युरियनच्या या पीचवर 305 धावांचे लक्ष्य इतके सोपे नाहीय. आतापर्यंतचा सेंच्युरियनचा इतिहास पाहिला तर कुठलाही संघ चौथ्या डावात 250 पेक्षा जास्त धावा करु शकलेला नाही. आज भारतीय संघ लवकर ऑलआऊट झाला असला, तरी इथे फलंदाजी करणे इतके सोपे नव्हते.
सेंच्युरियनच्या या विकेटवर गोलंदाज धाक ठेवतील अशी स्थिती आहे. कारण चेंडूला मध्येच उसळी मिळतेय, तर कधी चेंडू खाली राहतोय. दक्षिण आफ्रिकन संघाला या पीचवर खेळण्याचा चांगला अनुभव आहे. पण पहिल्या डावातील भारतीय गोलंदाजी पाहिली, तर दक्षिण आफ्रिकेसमोरचे आव्हान सोपे नाहीय.
संबंधित बातम्या:
Sourav Ganguly: हॉस्पिटलने दिली बीसीसीआय अध्यक्षांच्या प्रकृतीबाबत महत्त्वाची अपडेट IND vs SA : शमी ठरला द. आफ्रिकेचा कर्दनकाळ, या 5 गुणांच्या जोरावर यजमानांचा उडवला धुव्वा Marco Jansen| रोहितच्या मित्रानेच घेतली विराटची विकेट, 3 वर्षापूर्वीही केलं होतं हैराण
(India vs South Africa on centurion pitch 305 target is toughest challenge)
