लज्जास्पद! मोहम्मद शमीला पाठिंबा दिला म्हणून विराटच्या 10 महिन्यांच्या चिमुरडीवर बलात्काराच्या धमक्या? नेटीझन्स संतापले
भारतीय संघ पाकिस्तानविरुद्ध पराभवानंतर मोहम्मद शमीवर अनेक चूकीच्या टीका करण्यात आल्या. यावेळी कर्णधार विराट त्याच्या पाठिशी खंबीरपणे उभा राहिला. ज्यानंतर विराटच्या अवघ्या 10 महिन्याच्या चिमुरडीवर अत्याचार करण्याच्या धमक्या विराटला मिळाल्याचा धक्कादायक आणि अत्यंत किळसवाणा प्रकार समोर आला आहे.
मुंबई: अनेकदा माणूसकीला काळीमा फासणाऱ्या घटना आपल्या आसपास घडत असतात. पण काही घटना ऐकून राग अनावर होऊन एक तीव्र सनक डोक्यात जाते. असचं काहीसं घडलं आहे भारताचा कर्णधार विराट कोहलीसोबत. यंदाच्या टी20 विश्वचषकात (T20 World Cup) भारतीय संघाने अतिशय खराब कामगिरी केली आहे. त्यात पाकविरुद्ध पराभवानंतर गोलंदाज मोहम्मद शमीवरही चूकीच्या टीका झाल्याचं समोर आलं होतं. ज्यानंतर त्याच्या समर्थनार्थ उभा राहणाऱ्या विराटच्या बाबतीत त्याहूनही वाईट घडलं आहे. शमीला समर्थन दिलं म्हणून विराटच्या अवघ्या 10 महिन्यांच्या चिमुरडीला बलात्काराच्या धमक्या दिल्या असल्याचा लज्जास्पद प्रकार समोर आला आहे.
अज्ञात माथेफिरुने अशाप्रकारच्या धमक्या दिल्याचं वृत्त समोर येत असून यावर अधिकृत कोणतंच वक्तव्य अजून आलेलं नाही. पण या सर्वावरुन नेटीझन्स मात्र कमालीचे संतापले आहेत. सर्वजण ट्विट करत या गोष्टीचा निषेध करत असून आपला राग ट्विटद्वारे व्यक्त करत आहेत. पाकचा माजी कर्णधार इंझमाम उल हकनेही या गोष्टीचा निषेध व्यक्त करत कोणालाही खेळाडूच्या कुटुंबावर कोणतीच प्रतिक्रिया देण्याचा हक्क नसल्याची प्रतिक्रिया दिली आहे. तर अनेक नेटीझन्सनी संताप व्यक्त केला असून एका महिला पत्रकाराने ही गोष्ट वाचून अगदी उल्टी करावीशी वाटत आहे असं ट्विट केलं आहे.
This makes me want to puke. Rape threats to a toddler from the RW because @imVkohli did the decent thing called out bigotry & supported his teammate. These bigots belong in jail pic.twitter.com/WaTLjIQCDb
— Swati Chaturvedi (@bainjal) October 31, 2021
तर काही नेटीझन्सनी आम्ही सर्व विराट आणि त्याच्या कुटुंबासोबत असून ते सुरक्षित राहतील अशाही आशयाचे ट्विट केले आहेत.
Stand with virat kohli and anushka sharma, i wish they both remain safe.
May God protects your little baby daughter♥️#TeamIndia
— syed nauman ali ???? (@SyednaumanSyed) November 1, 2021
का झाली होती शमीवर टीका?
टी-20 विश्वचषकात भारताचा पाकिस्तानकडून 10 गडी राखून पराभव झाला. टी20 विश्वचषकाच्या इतिहासात पाकिस्तानने पहिल्यांदाच भारताचा पराभव केला होता. ज्यामुळे चाहत्यांचा राग सोशल मीडियाद्वारे खेळाडूंवर उफाळून आला. दरम्यान पाकिस्तानच्या हातून झालेल्या पराभवानंतर भारतीय क्रिकेटपटू मोहम्मद शमीला टीकांचा धनी व्हावं लागलं होतं. कारण शमीने 3.5 षटकात 43 धावा दिल्या आणि एकही विकेट घेतली नाही. मोहम्मद शमीच्या गोलंदाजीवर पाकिस्तानच्या सलामीवीरांनी 6 चौकार, एक षटकार ठोकला. या खराब कामगिरीनंतर लोकांनी मोहम्मद शमीला सोशल मीडियावर ट्रोल केले आणि त्याच्यावर उलट-सुलट आरोप केले होते. ज्यानंतर सेहवागपासून विराटपर्यंत तसेच अनेक परदेशी क्रिकेटपटूही शमीच्या समर्थनार्थ उभे राहिले होते.
इतर बातम्या
T20 World Cup 2021: एखादा चमत्कारच भारताला सेमीफायनलमध्ये पोहोचवू शकतो, शाहीद आफ्रिदीची कोपरखळी
(Indian captain Virat kohlis 10 month old daughter vamika receives rape threats after indiass lost and virat defends Shami)
