भारतीय क्रिकेटपटू दिनेश कार्तिकने दिली आनंदाची बातमी, पत्नीने दिला जुळ्या मुलांना जन्म
भारतीय क्रिकेटपटू दिनेश कार्तिकला दोन जुळी मुलं झाली आहेत. त्याने त्याच्या अधिकृत ट्विटर हँडलवरुन मुलांसोबतचे काही फोटो शेअर करत ही माहिती दिली.
मुंबई: भारतीय क्रिकेट संघातील यष्टीरक्षक फलंदाज दिनेश कार्तिकने (Dinesh Karthik) नुकतीच एक आनंदाची बातमी साऱ्यांना दिली आहे. दिनेश हा बाबा झाला असून त्याच्या पत्नीने दोन जुळ्या मुलांना जन्म दिला आहे. दिनेशची पत्नी दीपिका पल्लिकल (Dipika Pallikal) जी भारतासाठी स्क्वॅश हा खेळ खेळते. त्यांच काही वर्षांपूर्वी लग्न झालं होतं. त्यानंतर आता दोघेही आई-बाबा झाले असून विशेष म्हणजे त्यांनी जुळ्या मुलांना जन्म दिला आहे.
दिनेश कार्तिक हा सोशल मीडियावर कायम अॅक्टिव्ह असतो. सामन्यांपूर्वीही तो संघात नसला तरी मैदानाची स्थिती विविध खेळाडू किंवा सामन्यांबाबतच मत ट्विट करत असतो. आताही त्याने त्याच्या आयुष्यातील ही महत्त्वाची आणि आनंदाची बातमी सोशल मीडियाद्वारे सर्वांसमोर पोहोचवली आहे.
And just like that 3 became 5 ? Dipika and I have been blessed with two beautiful baby boys ?
Kabir Pallikal Karthik Zian Pallikal Karthik
and we could not be happier ❤️ pic.twitter.com/Rc2XqHvPzU
— DK (@DineshKarthik) October 28, 2021
कबीर आणि जियान
दिनेशने सोशल मीडियावर दोन्ही बाळांसोबत पत्नीचा फोटो पोस्ट केला आहे. यामध्ये त्यांचा कुत्राही दिसत आहे. त्यामुळे त्याने कॅप्शनमध्ये आम्ही 3 चे 5 झालो असं म्हणलं आहे. त्याने आपल्या दोन्ही मुलांची नावंही सांगितली आहे. त्यांनी दोन्ही मुलांच्या नावांनंतर दोघांची आडनावं लावली आहेत. त्यामुळे एका मुलाचं नाव कबीर पल्लिकल कार्तिक आणि दुसऱ्या मुलाचं नाव जियान पल्लिकल कार्तिक असं आहे. पण फोटो पोस्ट करताना दोन्ही मुलांचे चेहरे दिसणार नाहीत याचीही काळजी दिनेशने घेतली आहे.
इतर बातम्या
T20 World Cup 2021 मध्ये ‘या’ गोलंदाजांचा जलवा, भारताचे शेजारी करत आहेत धमाल!
(Indian Cricketer Dinesh karthik blessed with two baby boys)
