IPL 2022: धोनी महाराष्ट्राच्या मुलाला देतोय षटकार मारण्याचं खास ट्रेनिंग, हा मुलगा आयपीएल गाजवू शकतो, पहा VIDEO
IPL 2022: बहुचर्चित इंडियन प्रीमियर लीग (IPL) स्पर्धा येत्या 26 मार्चपासून सुरु होत आहे. क्रिकेट चाहते आतुरतेने आयपीएलची वाट पहात आहेत.15 व्या सीजनचा पहिला सामना चेन्नई सुपर किंग्स आणि कोलकाता नाइट रायडर्समध्ये (CSK vs KKR) रंगणार आहे.
IPL 2022: बहुचर्चित इंडियन प्रीमियर लीग (IPL) स्पर्धा येत्या 26 मार्चपासून सुरु होत आहे. क्रिकेट चाहते आतुरतेने आयपीएलची वाट पहात आहेत.15 व्या सीजनचा पहिला सामना चेन्नई सुपर किंग्स आणि कोलकाता नाइट रायडर्समध्ये (CSK vs KKR) रंगणार आहे. धोनीचा संघ सलामीच्या सामन्यासह संपूर्ण सीजनसाठी कसून सराव करतोय. चेन्नईचा प्रॅक्टिस कॅम्प सूरतमध्ये सुरु आहे. तिथे धोनीसह (MS dhoni) रॉबिन उथप्पा आणि अन्य खेळाडू मैदानावर घाम गाळतायत. धोनी स्वत: नेट्समध्ये फलंदाजीचा सराव करतोय. त्याशिवाय धोनी एका खास खेळाडूला आयपीएल 2022 साठी तयार करतोय. आयपीएल मेगा ऑक्शनमध्ये CSK ने अंडर 19 वर्ल्डकप मधील स्टार राजवर्धन हंगरगेकरचा आपल्या ताफ्यात समावेश करुन घेतला होता. राजवर्धन ऑलराऊंडर खेळाडू आहे. धोनी सध्या याच राजवर्धनवर मेहनत घेत आहे. धोनी त्याचा मार्गदर्शक बनला आहे.
वय चोरीचा झाला आरोप
एमएस धोनीचा एक व्हिडिओ सोशल मीडियावर व्हायरल झाला आहे. ज्यामध्ये तो राजवर्धनला हिटिंगची ट्रेनिंग देताना दिसत आहे. धोनीने राजवर्धनला बॅटच्या स्विंगवर लक्ष देण्याचा सल्ला दिला. शॉट खेळल्यानंतर बॅट कुठपर्यंत गेली पाहिजे, ते सुद्धा धोनीने त्याला सांगितलं. याला बॅट फॉलोथ्रू सुद्धा म्हणतात. व्हिडिओमध्ये धोनी आधी त्याला बॅट स्विंगबद्दल सांगतो. त्यानंतर हा युवा फलंदाज त्याच अंदाजात शॉट खेळतो. राजवर्धन हंगरगेकर मूळचा महाराष्ट्राचा उस्मानाबादचा खेळाडू आहे. अंडर 19 वर्ल्डकप स्पर्धेत खेळण्यासाठी त्याच्यावर वय चोरीचाही आरोप झाला आहे.
राजवर्धन चेन्नई सुपर किंग्सचं मुख्य अस्त्र बनणार
अंडर 19 वर्ल्डकपमध्ये राजवर्धनने दमदार प्रदर्शन केलं. आयपीएल मेगा ऑक्शन 2022 मध्ये त्याची निवड झाली. त्याला विकत घेण्यासाठी मुंबई इंडियन्स आणि लखनऊ सुपर जायंट्समध्ये चुरस दिसली. पण अखेर चेन्नईने 1.50 कोटी रुपयांची बोली लावून त्याला विकत घेतलं.
Rajvardhan × @MSDhoni ??#WhistlePodu | #IPL2022 pic.twitter.com/VSKCNOJZWp
— CSK Fans Army™ ? (@CSKFansArmy) March 10, 2022
राजवर्धनची बेस प्राइस 30 लाख रुपये होती. राजवर्धन प्रतिभावान क्रिकेटपटू आहे. तो 140 किमी प्रति तास या वेगाने गोलंदाजी करु शकतो. त्याशिवाय लोअर ऑर्डरमध्ये हिटिंग करण्याचीही त्याची क्षमता आहे. हा खेळाडू CSK साठी मोक्याच्याक्षणी उपयुक्त ठरु शकतो.
