RR vs RCB, Head to Head: आयपीएलमध्ये आज ‘रॉयल’ लढत, विराटसेना भिडणार राजस्थान रॉयल्सशी, प्लेऑफच्या एन्ट्रीसाठी सामना महत्त्वाचा
दरवर्षीच्या तुलनेत यंदाच्या हंगामात अप्रतिम कामगिरी करणाऱ्या विराट कोहलीच्या रॉयल चँलेजर्स बंगळुरुची लढत आज संजू सॅमसनच्या राजस्थान रॉयल्स संघासोबत असणार आहे.
IPL 2021: आयपीएलच्या यंदाच्या पर्वातील (IPL 2021) 43 वा सामना राजस्थान रॉयल्स आणि रॉयल चँलेजर्स बंगळुरु (RR vs RCB) या दोन संघामध्ये होणार आहे. हळूहळू आयपीएलच्या प्लेऑफचे चित्र स्पष्ट होत असल्याने आजचा सामनाही प्लेऑफमध्ये जागा मिळवण्यासाठी दोन्ही संघाना महत्त्वाचा आहे. यंदा चांगल्या लयीत असलेली विराट सेना आजचा सामना जिंकण्यासाठी सर्वोत्परी प्रयत्न करणार हे नक्की! तर राजस्थानचं आव्हानही साधं नसणार आहे.
गुणतालिकेचा विचार करता राजस्थान रॉयल्स आणि रॉयल चँलेजर्स बंगळुरु या दोन्ही संघानी 10 पैकी 4 सामने जिंकले आहेत. त्यामुळे दोघांच्या खात्यात 8 गुण आहेत. पण आरसीबीचा रनरेट -0.359 असून राजस्थानचा रनरेट -0.369 आहे. त्यामुळे आरसीबी तिसऱ्या तर राजस्थान सातव्या स्थानावर आहे.
आरसीबी विरुद्ध राजस्थान रॉयल्स Head To Head
राजस्थान आणि आरसीबी हे दोन्ही संघ आतापर्यंत आयपीएलमध्ये 24 वेळा एकमेंकासोबत भिडले आहेत. त्यापैकी आरसीबीने 11 तर राजस्थानने 10 सामने जिंकले आहेत. तसेच 3 सामने अनिर्णीत सुटले आहेत. त्यामुळे दोघांची आतापर्यंतच्या सर्व लढती चुरशीची असल्यामुळे आजचा सामनाही रंगतदार होणार यात शंका नाही.
आजच्या सामन्यात दोन्ही संघाचे संभाव्य 11
राजस्थान रॉयल्स – संजू सॅमसन(कर्णधार आणि यष्टीरक्षक), एविन लुईस, यशस्वी जैसवाल, डेविड मिलर, लियाम लिव्हिंगस्टोन, राहुल तेवतिया, माहिपार लोमरोर, श्रेयस गोपाल, कार्तिक त्यागी, मुस्तफिजूर रेहमान, चेतन सकारीया
रॉयल चँलेजर्स बंगळुरु- विराट कोहली (कर्णधार), देवदत्त पडीक्कल, केएस भारत, ग्लेन मॅक्सवेल, एबी डीव्हिलीयर्स, सचिन बेबी, वनिंजू हसरंगा, कायल जेमिसन, हर्षल पटेल, मोहम्मद सिराज, युझवेंद्र चहल.
हे ही वाचा
(Know Head to head of todays match RR vs RCB match and Know probable playing 11 for Todays IPL Match)
