KKR vs GT Live Streaming : गुजरात विजयासह प्लेऑफचं तिकीट मिळवण्यासाठी सज्ज, केकेआर रोखणार?
Kolkata Knight Riders vs Gujarat Titans IPL 2026 Live Scorecard: गुजरात टायटन्सला प्लेऑफचं तिकीट मिळवणारी पहिली टीम हा बहुमान मिळवण्याची मोठी संधी आहे. मात्र गुजरातसमोर केकेआरचं आव्हान आहे.
आयपीएल स्पर्धेच्या 19 व्या मोसमातील 60 वा सामना कोलकाता नाईट रायडर्स विरुद्ध गुजरात टायटन्स यांच्यात होणार आहे. केकेआर विरुद्ध गुजरात दोन्ही संघांची ही या मोसमातील आमनेसामने येण्याची दुसरी वेळ असणार आहे. केकेआरचं प्लेऑफमध्ये पोहचणं अवघड आहे. मात्र केकेआरचं प्लेऑफमधील आव्हान कायम आहे. तर गुजरातला सामना जिंकून प्लेऑफचं अधिकृतरित्या तिकीट मिळवण्याची संधी आहे. त्यामुळे गुजरात एकूण नववा सामना जिंकून प्लेऑफमध्ये पोहचणारी पहिली टीम ठरणार की केकेआर गेल्या पराभवाची परतफेड करण्यात यशस्वी ठरणार? हे पाहणं महत्त्वाचं ठरणार आहे. या निमित्ताने उभयसंघातील सामन्यातील महत्त्वाची माहिती जाणून घेऊयात.
कोलकाता नाईट रायडर्स विरुद्ध गुजरात टायटन्स सामना कधी?
कोलकाता नाईट रायडर्स विरुद्ध गुजरात टायटन्स सामना शनिवारी 16 मे रोजी खेळवण्यात येणार आहे.
कोलकाता नाईट रायडर्स विरुद्ध गुजरात टायटन्स सामना कुठे?
कोलकाता नाईट रायडर्स विरुद्ध गुजरात टायटन्स सामना इडन गार्डन्स, कोलकातामध्ये आयोजित करण्यात आला आहे.
कोलकाता नाईट रायडर्स विरुद्ध गुजरात टायटन्स सामन्याला किती वाजता सुरुवात होणार?
कोलकाता नाईट रायडर्स विरुद्ध गुजरात टायटन्स सामन्याला संध्याकाळी 7 वाजून 30 मिनिटांनी सुरुवात होणार आहे. तर 7 वाजता टॉस होईल.
कोलकाता नाईट रायडर्स विरुद्ध गुजरात टायटन्स सामना टीव्ही आणि मोबाईलवर कुठे पाहता येईल?
कोलकाता नाईट रायडर्स विरुद्ध गुजरात टायटन्स सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल. तर जिओ हॉटस्टार एपद्वारे लाईव्ह मॅच पाहता येईल.
दोन्ही संघांची कामगिरी
गुजरातचा हा 13 वा आणि केकेआरचा 12 वा सामना असणार आहे. गुजरातने 12 पैकी 8 सामने जिंकले आहेत. गुजरात पॉइंट्स टेबलमध्ये दुसऱ्या स्थानी आहे. तर केकेआरने 11 पैकी 4 सामने जिंकले आहेत. केकेआर पॉइंट्स टेबलमध्ये आठव्या स्थानी आहे.
केकेआर गुजरातला लोळवणार?
गुजरातने केकेआरवर 17 एप्रिलला झालेल्या सामन्यात विजय मिळवला होता. गुजरातने केकेआरवर 5 विकेट्सने विजय मिळवला होता. त्यामुळे केकेआर या पराभवाची परतफेड करण्यात यशस्वी ठरणार का? हे पाहणं महत्त्वाचं ठरणार आहे.
दौघांपैकी वरचढ कोण?
दरम्यान कोलकाता विरुद्ध गुजरात यांच्यात एकूण 6 सामने खेळवण्यात आले आहेत. गुजरातने या 6 पैकी सर्वाधिक 4 सामने जिंकले आहेत. तर केकेआरला फक्त एकमेव जिंकता आला आहे. त्यामुळे आता उभयसंघातील सातव्या सामन्याचा निकाल कुणाच्या बाजूने लागतो? यासाठी निकालाची वाट पाहावी लागणार आहे.
