MI vs DC IPL 2022: MI च्या टिम डेविड कृपेने RCB प्लेऑफमध्ये, दिल्लीचा खेळ खल्लास
IPL 2022 मध्ये एका महत्त्वाच्या सामन्यात Mumbai Indians ने Delhi Capitals वर विजय मिळवला. मुंबईने दिल्लीवर पाच विकेट राखून विजय मिळवला.
मुंबई: IPL 2022 मध्ये एका महत्त्वाच्या सामन्यात Mumbai Indians ने Delhi Capitals वर विजय मिळवला. मुंबईने दिल्लीवर पाच विकेट राखून विजय मिळवला. शेवटच्या षटकापर्यंत हा सामना रंगला होता. रमणदीप सिंहने चौकार ठोकून मुंबईच्या विजयावर शिक्कामोर्तब केलं. मुंबई इंडियन्सच्या आजच्या विजयाचा नायक पुन्हा एकदा टिम डेविड आहे. टिम डेविडने केलेल्या फटकेबाजीमुळे मुंबईला हा विजय मिळवता आला. टिम डेविडने 11 चेंडूत 34 धावा फटकावल्या. यात दोन चौकार आणि चार षटकार होते. मुंबईच्या विजयामुळे रॉयल चॅलेंजर्स बँगलोरचा संघ प्लेऑफमध्ये दाखल झालाय. दिल्लीचं स्पर्धेतील आव्हान संपुष्टात आलय. दिल्लीने विजयासाठी 160 धावांचं लक्ष्य दिलं होतं. मुंबईने 19.1 षटकात हे लक्ष्य पार केलं. सामना रोमांचक स्थिती मध्ये असताना टिम डेविड आला. त्याने फटकेबाजी केली व सर्व गणितचं बदलून टाकलं. आज पुन्हा एकदा मोक्याच्याक्षणी डेविड आऊट झाला.
View this post on Instagram
पुन्हा एकदा विराट इनिंग पाहण्याची संधी
टिम डेविडने कशी मॅच फिरवली ते या व्हिडिओमधून बघा
शार्दुल ठाकूरच्या गोलंदाजीवर शॉ कडे त्याने सोपा झेल दिला. पण रमणदीप सिंहने त्यानंतर जबाबदारी घेत आपली भूमिका चोख बजावली. मुंबईचा मोसमातील हा चौथा विजय आहे. या विजयाने मुंबईला काही फरक पडला नाही. पण दिल्लीचं प्लेऑफमध्ये दाखल होण्याचं स्वप्न भंग पावलं. या विजयामुळे आरसीबीच्या चाहत्यांना भरपूर आनंद झाला आहे. समस्त क्रिकेट रसिकांना पुन्हा एकदा विराट कोहलीचा खेळ पाहता येईल. आरसीबी आणि लखनौ सुपर जायंट्समध्ये एलिमिनेटरचा सामना होईल. यात पराभूत होणाऱ्या संघाचं आव्हान संपुष्टात येईल. पण विजेत्या संघाला क्वालिफायर वन आणि टू म्हणजे गुजरात आणि राजस्थानमधील विजेत्याशी खेळावं लागेल.
IPL पॉइंट्स टेबल
| संघ | सामने | जय | पराजय | पॉइंट्स | नेट रन रेट |
|---|---|---|---|---|---|
| गुजरात टायटन्स | 14 | 10 | 4 | 20 | 0.316 |
| राजस्थान रॉयल्स | 14 | 9 | 5 | 18 | 0.298 |
| लखनौ सुपर जायंट्स | 14 | 9 | 5 | 18 | 0.251 |
| रॉयल चॅलेंजर्स बँगलोर | 14 | 8 | 6 | 16 | -0.253 |
| दिल्ली कॅपिटल्स | 14 | 7 | 7 | 14 | 0.204 |
| पंजाब किंग्स | 14 | 7 | 7 | 14 | 0.126 |
| कोलकाता नाइट रायडर्स | 14 | 6 | 8 | 12 | 0.146 |
| सनरायजर्स हैदराबाद | 14 | 6 | 8 | 12 | -0.379 |
| चेन्नई सुपर किंग्स | 14 | 4 | 10 | 8 | -0.203 |
| मुंबई इंडियन्स | 14 | 4 | 10 | 8 | -0.506 |
मुंबईकडून कोणी किती धावा केल्या?
मुंबईकडून आज इशान किशनने दमदार फलंदाजी केली. त्याने 35 चेंडूत 48 धावा फटकावल्या. रोहित शर्मा आज पुन्हा फेल ठरला. त्याला नॉर्खियाने झेलबाद केलं. ऋषभ पंतने आज डेवाल्ड ब्रेव्हिसचा सोपा झेल सोडला. ब्रेव्हिसने 37 धावा केल्या यात एक चौकार आणि तीन षटकार होते. तिलक वर्माने 21 धावा केल्या. तो ही मोक्याच्याक्षणी नॉर्खियाच्या गोलंदाजीवर बाद झाला. मुंबईच्या विजयावर शिक्कामोर्तब करणाऱ्या रमणदीपने 6 चेंडूत नाबाद 13 धावा केल्या. यात दोन चौकार होते. गुजरात टायटन्स, राजस्थान रॉयल्स, लखनौ सुपर जायंट्स आणि रॉयल चॅलेंजर्स बँगलोर हे प्लेऑफमध्ये दाखल होणारे चार संघ आहेत.
