AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

SCO vs NEP : जाता जाता गेम वाजवून गेले, नेपाळकडून विजयी शेवट, स्कॉटलंडवर 7 विकेट्सने मात

Scotland vs Nepal Match Result : नेपाळ क्रिकेट टीमने आयसीसी टी 20i वर्ल्ड कप 2026 स्पर्धेत आपल्या साखळी फेरीतील शेवटच्या सामन्यात विजय मिळवला आहे.

SCO vs NEP : जाता जाता गेम वाजवून गेले, नेपाळकडून विजयी शेवट, स्कॉटलंडवर 7 विकेट्सने मात
Scotland vs Nepal Match ResultImage Credit source: Social Media
Sanjay patil
Sanjay patil | Updated on: Feb 17, 2026 | 11:06 PM
Share

नेपाळ क्रिकेट टीमने आयसीसी टी 20i वर्ल्ड कप 2026 स्पर्धेतील आपल्या मोहिमेचा जबरदस्त असा शेवट केला आहे. नेपाळने स्कॉटलंडवर दणदणीत असा विजय साकारला आहे. नेपाळला या स्पर्धेत आपल्या साखळी फेरीतील पहिल्या 3 सामन्यांत सलग पराभूत व्हावं लागलं होतं. त्यामुळे चाहत्यांना विजयाची प्रतिक्षा कायम होती.  नेपाळ टीमने चाहत्यांची ही प्रतिक्षा साखळी फेरीत आपल्या शेवटच्या सामन्यात पूर्ण केली. नेपाळ यासह अपेक्षेप्रमाणे शेवटचा सामना जिंकण्यात  यशस्वी ठरली. दीपेंद्र सिह ऐरी आणि कुशल भुर्टेल या जोडीने नेपाळच्या विजयात बॅटिंगने प्रमुख भूमिका बजावली. या सामन्यात नक्की काय झालं? हे सविस्तर जाणनू घेऊयात.

नेपाळने वर्ल्ड कप विजेत्या इंग्लंड संघाला या स्पर्धेतील आपल्या पहिल्याच सामन्यात चांगलंच झुंजवलं होतं. मात्र नेपाळचा इंग्लंड विरुद्ध निसटता पराभव झाला. नेपाळला अवघ्या 4 धावांनी सामना गमवावा लागला होता. इंग्लंड या विजयामुळे मोठ्या उलटफेरपासून वाचली. मात्र इंग्लंडच्या विजयापेक्षा नेपाळच्या पराभवाची चर्चा क्रिकेट वर्तुळात पाहायला मिळाली. अवघ्या काही धावांनी हा सामना गमावल्याने नेपाळ टीमला आणि चाहत्यांना हा पराभव जिव्हारी लागला होता. मात्र नेपाळने इंग्लंड विरुद्ध आपली कामगिरी दाखवून क्रिकेट विश्वाचं लक्ष वेधून घेण्यात यश मिळवलं.

नेपाळला त्यानंतर इटली आणि वेस्ट इंडिज या दोन्ही संघांकडून मोठ्या फरकाने पराभूत व्हावं लागलं होतं. त्यामुळे नेपाळच्या चाहत्यांना टीमने साखळी फेरीतील आपल्या मोहिमेचा शेवट विजयाने करावा अशी इच्छा होती. नेपाळ टीमने चाहत्यांची ही इच्छा पूर्ण केली आणि जबरदस्त असा विजय मिळवला.  नेपाळने मुंबईतील ऐतिहासिक अशा वानखेडे स्टेडियममध्ये स्कॉटलंडला पराभूत केलं. नेपाळने यासह वर्ल्ड कप स्पर्धेत 12 वर्षांची विजयाची प्रतिक्षा संपवली. नेपाळने स्कॉटलंडला पराभूत करुन 12 वर्षांची प्रतिक्षा संपवली आहे. नेपाळने याआधी टी 20i वर्ल्ड कप स्पर्धेत 2014 साली शेवटचा विजय मिळवला होता.

सामन्याचा झटपट आढावा

मायकल जॉन्स याने केलेल्या 71 धावांच्या जोरावर स्कॉटलंडने 20 ओव्हरमध्ये 7 विकेट्स गमवून 170 धावा केल्या. नेपाळने प्रत्युत्तरात 171 धावांचा पाठलाग करताना कडक सुरुवात केली. कुशल भुर्टेल आणि आसिफ शेख या सलामी जोडीने नेपाळला झंझावाती सुरुवात करुन दिली. दोघांनी आलेला प्रत्येक बॉल मारला आणि नेपाळला वेगवान सुरुवात करुन देण्यासाठी आवश्यक ते सर्व प्रयत्न केले. या दोघांनी पहिल्या विकेटसाठी 55 बॉलमध्ये 74 रन्सची पार्टनरशीप केली. कुशल आऊट झाल्याने नेपाळला पहिला झटका लागला. कुशलने 43 धावा केल्या. त्यानंतर स्कॉटलंडने आसिफ शेख आणि कॅप्टन रोहित पौडेल या दोघांना ठराविक अंतराने आऊट केलं. आसिफने 33 तर रोहितने 16 धावा केल्या. त्यामुळे नेपाळची 13.2 ओव्हरमध्ये 3 आऊट 98 अशी स्थिती झाली होती.

गुलशन झा आणि दीपेंद्र सिंह ऐरीची विजयी भागीदारी

त्यानंतर गुलशन झा आणि दीपेंद्र सिंह ऐरी या जोडीने कमाल केली. गुलशन आणि दीपेंद्र या दोघांनी फक्त 36 चेंडूत नाबाद 73 धावांची भागीदारी केली. दीपेंद्रने या भागीदारीत सर्वाधिक योगदान दिलं. दींपेंद्रने स्कॉलंडच्या गोलंदाजांची धुलाई केली. दीपेंद्रने मोठे फटके मारले. त्यामुळे नेपाळच्या चाहत्यांना स्टेडियममध्ये एकच जल्लोष केला. तसेच गुलशननेही दीपेंद्रला चांगली साथ दिली. दीपेंद्र आणि गुलशन या दोघांनी फटेकबाजी करुन नेपाळला सुरक्षित असा विजय मिळवून दिला. नेपाळने 4 बॉलआधी 7 विकेट्स राखून हा सामना आपल्या नावावर केला. नेपाळने 19.2 ओव्हरमध्ये 3 विकेट्स गमावून 171 रन्स केल्या. गुलशनने 24 आणि दीपेंद्रने नाबाद 50 धावा केल्या. दीपेंद्रला त्याच्या या नाबाद अर्धशतकी खेळीसाठी सामनावीर पुरस्काराने गौरवण्यात आलं.

Follow Us
मुंबई जिल्हा बँकेत शिवसेना अतिरिक्त एका जागेसाठी आग्रही? अहिर म्हणाले?
Sachin Ahir : मुंबई जिल्हा बँकेत शिवसेना अतिरिक्त एका जागेसाठी आग्रही? सचिन अहिर काय म्हणाले?
मविआच्या कार्यकाळात पोलिसांच्या सुविधा मागे पडल्याचा देवेन भारतींचा...
Deven Bharati : डायल 112 पासून GPS ट्रॅकिंगपर्यंत…; मविआच्या कार्यकाळात पोलिसांच्या सुविधा मागे पडल्याचा देवेन भारतींचा दावा
चारा नसलेल्याने जनावरे डोंगरात सोडून देण्याची शेतकऱ्यांवर वेळ
Dharashiv Farmer : चारा नसलेल्याने जनावरे डोंगरात सोडून देण्याची शेतकऱ्यांवर वेळ
बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे
Pune : बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे गावची अनोखी काटेबारस यात्रा, व्हिडिओ बघाच
एकजूट नसल्यामुळेच यश...; EVM हटावच्या मागणीवर चंदनशिवे स्पष्टच बोलले
Nitin ChandanShive : एकजूट नसल्यामुळेच यश...; EVM हटावच्या मागणीवर नितीन चंदनशिवे स्पष्टच बोलले
माझ्याबाबत पवारांच्या मनात संशयाचं...; नरहरी झिरवाळांचं मोठं विधान
Narhari Zirwal on Sharad Pawar : माझ्याबाबत पवारांच्या मनात संशयाचं...; नरहरी झिरवाळांचं मोठं विधान
उसाला प्रतिटन 4200 रुपये भाव द्या; साडेतीन तासांचा रास्ता रोको अखेर...
Sugarcane Rate Protest : उसाला प्रतिटन 4200 रुपये भाव द्या; साडेतीन तासांचा रास्ता रोको अखेर स्थगित
गोशाळांसाठी फडणवीस सरकारचा मोठा निर्णय; व्यावसायिक दराऐवजी....
CM Devendra Fadnavis : गोशाळांसाठी फडणवीस सरकारचा मोठा निर्णय; व्यावसायिक दराऐवजी....
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...