Captain : एक मालिका-3 कर्णधार, टीमवर ओढावली नामुष्की, कारण काय?
New Zealand vs South Africa T20i Series : न्यूझीलंड क्रिकेट टीम 5 सामन्यांच्या टी 20i मालिकेत आतापर्यंत 2 कर्णधारांच्या नेतृत्वात खेळली आहे. तर उर्वरित सामन्यांत आणखी एक खेळाडू न्यूझीलंडचं नेतृत्व करणार आहे.
न्यूझीलंड क्रिकेट टीमला आयसीसी टी 20I वर्ल्ड कप 2026 स्पर्धेतील अंतिम सामन्यात पराभूत व्हावं लागलं. यजमान आणि गतविजेत्या टीम इंडियाने न्यूझीलंडला पराभूत करत सलग दुसऱ्यांदा टी 20I वर्ल्ड कप ट्रॉफीवर नाव कोरलं. तर न्यूझीलंडला उपविजेता म्हणून पुन्हा एकदा समाधान मानावं लागलं. त्यानंतर आता न्यूझीलंड मायदेशात दक्षिण आफ्रिकेविरुद्ध 5 सामन्यांची टी 20I मालिका खेळत आहे. न्यूझीलंडला या मालिकेत 3 कर्णधारांसह खेळण्याची वेळ ओढावली आहे.
टी 20I वर्ल्ड कप स्पर्धेनंतर लगेचच ही मालिका आयोजित करण्यात आली. त्यामुळे वर्कलोड मॅनेजमेंटनुसार प्रमुख खेळाडूंना दक्षिण आफ्रिकेविरुद्धच्या मालिकेसाठी न्यूझीलंडच्या प्रमुख खेळडूंना विश्रांती देण्यात आली. तसेच मिचेल सँटनर आणि टॉम लॅथम हे दोघे दक्षिण आफ्रिकेविरुद्धच्या या 5 सामन्यांच्या टी 20I मालिकेत नेतृत्व करणार होते. मात्र टॉम लॅथमच्या दुखापतीमुळे या मालिकेत न्यूझीलंडच्या तिसर्या कर्णधाराची एन्ट्री झाली. त्यामुळे जेम्स निशाम याला नेतृत्वाची जबाबगदारी सोपवण्यात आली.
