PBKS vs SRH Live Streaming : हैदराबादसमोर पंजाबचं आव्हान, ऑरेंज आर्मी विजयरथ रोखणार? सामना किती वाजता?
Punjab Kings vs Sunrisers Hyderabad IPL 2026 Live Scorecard : श्रेयस अय्यर याच्या नेतृत्वात पंजाब किंग्सने अप्रतिम कामगिरी करत आपल्या मोहिमेतील तिन्ही सामन्यांमध्ये विजय मिळवला आहे. तर हैदराबाद सातत्यपूर्ण कामगिरी करण्यात अपयशी ठरली आहे.
आयपीएल स्पर्धेच्या 19 व्या मोसमातील (IPL 2026) तिसऱ्या डबल हेडरचा थरार शनिवारी 11 एप्रिलला रंगणार आहे. या डबल हेडरमधील पहिल्या आणि मोसमातील 17 व्या सामन्यात पंजाब किंग्स विरुद्ध सनरायजर्स हैदराबाद भिडणार आहेत. दोन्ही संघांचा हा चौथा सामना असणार आहे. हैदराबादने 3 पैकी 1 सामना जिंकला आहे. त्यामुळे हैदराबादचा हा सामना जिंकून विजयी ट्रॅकवर परतण्याचा प्रयत्न असणार आहे. तर पंजाब या मोसमात अजिंक्य आहेत. पंजाबने तिन्ही सामने जिंकले आहेत. त्यामुळे हैदराबाद पंजाबचा विजयरथ रोखण्यात यशस्वी ठरणार का? हे पाहणं महत्त्वाचं ठरणार आहे. या निमित्ताने सामन्याबाबत काही महत्त्वाची माहिती जाणून घेऊयात.
पंजाब किंग्स विरुद्ध सनरायजर्स हैदराबाद सामना कधी?
पंजाब किंग्स विरुद्ध सनरायजर्स हैदराबाद सामना शनिवारी 11 एप्रिलला खेळवण्यात येणार आहे.
पंजाब किंग्स विरुद्ध सनरायजर्स हैदराबाद सामना कुठे?
पंजाब किंग्स विरुद्ध सनरायजर्स हैदराबाद सामना मुल्लानपूरमधील महाराजा यादवेंद्र सिंह आंतरराष्ट्रीय क्रिकेट स्टेडियममध्ये खेळवण्यात येणार आहे.
पंजाब किंग्स विरुद्ध सनरायजर्स हैदराबाद सामन्याला किती वाजता सुरुवात होणार?
पंजाब किंग्स विरुद्ध सनरायजर्स हैदराबाद सामन्याला दुपारी 3 वाजून 30 मिनिटांनी सुरुवात होईल. तर 3 वाजता टॉस होईल.
पंजाब किंग्स विरुद्ध सनरायजर्स हैदराबाद सामना टीव्ही आणि मोबाईलवर कुठे पाहायला मिळेल?
पंजाब किंग्स विरुद्ध सनरायजर्स हैदराबाद सामना टीव्हीवर स्टार स्पोर्ट्स नेटवर्कवरील चॅनेल्सवर लाईव्ह पाहायला मिळेल. तर जिओहॉटस्टार एपद्वारे लाईव्ह मॅच मोबाईल आणि लॅपटॉपवर पाहता येईल.
पंजाब सरस की हैदराबाद वरचढ?
इतिहासातील आकडेवारी पाहता सनरायजर्स हैदराबाद पंजाब किंग्सवर पूर्णपणे हावी असल्याचं स्पष्ट होतं. उभयसंघात एकूण 24 सामने खेळवण्यात आले आहेत. हैदराबादने 24 पैकी 17 सामने जिंकलेत. तर पंजाब किंग्सला फक्त 7 सामन्यांत विजय मिळवता आला आहे.
पॉइंट्स टेबलची स्थिती काय?
दरम्यान ताज्या आकडेवारीनुसार, पंजाब किंग्स पॉइंट्स टेबलमध्ये 5 गुणांसह दुसऱ्या स्थानी आहे. तर हैदराबाद 2 गुणांसह सहाव्या क्रमांकावर आहे. तर राजस्थान रॉयल्स पॉइंट्स टेबलमध्ये अव्वल स्थानी आहे. राजस्थान रॉयल्स टीम या मोसमात सलग आणि एकूण 4 सामने जिंकले आहेत. राजस्थानने शुक्रवारी 10 एप्रिलला रॉयल चॅलेंजर्स बंगळुरुला पराभूत करुन चौथा विजय मिळवला आणि पॉइंट्स टेबलमधील अव्वल स्थान पटकावलं.
