T20 WC साठी पाकिस्तानची टीम निवडण्याधी ‘या’ गोलंदाजाची कमाल, थेट घेतली Hattrick
T20 वर्ल्ड कपसाठी पाकिस्तानने अजूनपर्यंत आपली टीम जाहीर केलेली नाही. पाकिस्तानच्या टीममध्ये कोणाला संधी मिळणार? कोणाला नाही? यावरुन विविध अंदाज वर्तवले जात आहेत.
मुंबई: T20 वर्ल्ड कपसाठी पाकिस्तानने अजूनपर्यंत आपली टीम जाहीर केलेली नाही. पाकिस्तानच्या टीममध्ये कोणाला संधी मिळणार? कोणाला नाही? यावरुन विविध अंदाज वर्तवले जात आहेत. या दरम्यान पाकिस्तानच्या एका गोलंदाजाने कमाल केलीय. तो थेट Hattrick घेऊन चर्चेत आलाय. पुढच्या दोन दिवसात पीसीबी वर्ल्ड कपसाठी टीम निवडणार असल्याची माहिती आहे.
3 चेंडूत 3 विकेट
पाकिस्तानातील एका गोलंदाजाने सलग 3 चेंडूत 3 विकेट घेतल्या. देशांतर्गत टी 20 लीगमध्ये या गोलंदाजाने हॅट्रिक घेतली. टीम निवडीआधी हॅट्रिक घेणाऱ्या या गोलंदाजाच नाव आसिफ महमूद आहे.
अशी घेतली हॅट्रिक
नॅशनल टी 20 कपमध्ये खेळताना आसिफ महमूदने हॅट्रिक घेतली. आसिफ वेगवान गोलंदाज आहे. त्याने भेदक मारा केला. हॅट्रिक घेताना आसिफने दोन फलंदाजांना क्षेत्ररक्षकांकरवी कॅचआऊट केलं. एकाला क्लीन बोल्ड केलं. आसिफच्या हॅट्रिकच्या बळावर मॅच जिंकली.
3 ओव्हरमध्ये 28 रन्स
खैबर पख्तन्ख्वाह आणि सिंध टीममध्ये हा सामना झाला. आसिफ सिंध टीमचा भाग होता. खैबर पख्तन्ख्वाहने प्रथम फलंदाजी केली. 20 ओव्हर्समध्ये 9 विकेट गमावून 147 धावा केल्या. आसिफ महमूदच्या हॅट्रिकमुळे खैबरची टीम 150 च्या पुढे जाऊ शकली नाही. असिफने हॅट्रिक घेताना नियाज खान, मोहम्मद सरवर आफ्रिदी आणि मोहम्मद इमरान या तिघांना आऊट केलं. त्याने 3 ओव्हर्समध्ये 28 धावा देऊन तीन विकेट घेतल्या.
☝️ Niaz Khan ☝️ Mohammad Sarwar Afridi ☝️ Mohammad Imran
T20 hat-trick for Asif Mahmood ?#KPvSINDH | #NationalT20 | #GharWaliBaat pic.twitter.com/V7NnZ0jICa
— Pakistan Cricket (@TheRealPCB) September 13, 2022
विजयासाठी 148 धावांचे लक्ष्य
सिंध टीमसमोर विजयासाठी 148 धावांचे लक्ष्य होते. 2 चेंडू राखून त्यांनी हे लक्ष्य पार केलं. हॅट्रिक घेणाऱ्या आसिफ महमूदने बॅटनेही तितकच योगदान दिलं. त्याने 17 चेंडूत नाबाद 28 धावा फटकावल्या.
