IND vs AFG | शिवम दुबे, यशस्वी इतकच विजयात त्याच गुपचूप योगदान, टीम इंडियात त्याच्यावर अन्याय होतोय का?

IND vs AFG | टीम इंडिया सध्या अफगाणिस्तान विरुद्ध T20 सीरीज खेळत आहे. तीन सामन्यांच्या या सीरीजमध्ये टीम इंडियाने मालिकेत विजयी आघाडी घेतली आहे. पहिले दोन सामने जिंकले आहेत. टीम इंडियाच्या या विजयात डावखुरा फलंदाज शिवम दुबेने महत्त्वाची भूमिका बजावली आहे. दोन्ही सामन्यात दमदार इनिंग खेळताना त्याने अर्धशतक झळकवली. दोन्ही सामन्यात तो नाबाद राहिला. दुसऱ्या मॅचमध्ये यशस्वी जैस्वालने सुद्धा जबरदस्त बॅटिंग केली. या सामन्यात टीम इंडियाच्या एका खेळाडूने गपचूप आपलं योगदान दिलं. टीमच्या विजयात त्याच योगदान नाकारता येणार नाही. त्या प्लेयरच नाव अक्षर पटले आहे. रवींद्र जाडेजा नसताना अक्षरला T20 मध्ये संधी मिळते. आकड्यांवर नजर टाकली तर, अक्षर पटेलला जाडेजाच्या जागी प्राधान्य मिळालं पाहिजे.

मोहालीमधील T20 सामन्यात अक्षरने अफगाणिस्तानच्या दोन बॅट्समनना आऊट केलं. त्या मॅचमध्ये त्याने फक्त 20 धावा दिल्या. इंदूरमध्ये दुसऱ्या T20 सामन्यात चार ओव्हरमध्ये फक्त त्याने 17 धावा दिल्या दोन विकेट घेतले. फलंदाजीसाठी अनुकूल असलेल्या विकेटवर अक्षरने ही गोलंदाजी केली. अक्षरने फलंदाजांना सहज धावा करु दिल्या नाहीत व विकेटही काढल्या.

त्याचे आकडे जाडेजापेक्षा सरस

अफगाणिस्तान विरुद्धच्याच सामन्यात अक्षरने T20 क्रिकेटमधील आपले 200 विकेट पूर्ण केले. अक्षरने ही कामगिरी 234 सामन्यात केली. अक्षरने इतक्याच सामन्यात 168 इनिंगमध्ये 22.52 च्या सरासरीने 134.65 च्या स्ट्राइक रेटने 2545 धावा केल्या आहेत. जाडेजाच्या आकड्यांवर नजर टाकली, तर तो एकूण 310 T20 सामने खेळलाय. यात त्याने 216 विकेट काढलेत. मॅच आणि विकेट्स अंतर पाहिलं, तर अक्षरचे आकडे चांगले वाटतात.

जाडेजाच्या विकेट आणि धावा किती?

अक्षर याच स्पीडने चालू राहिला, तर 310 T20 सामन्यात त्याच्या नावावर जाडेजापेक्षा जास्त विकेट असतील. जाडेजाने 310 सामन्यात 25.42 च्या सरासरीने 129.33 च्या स्ट्राइक रेटने 3382 धावा केल्या आहेत. अक्षर T20 क्रिकेटमध्ये जाडेजापेक्षा जास्त प्रभावी आहे.

तर, तो त्याच्यावर अन्याय ठरेल

इतका प्रभावी खेळूनही अक्षरला जाडेजाच्या जागी प्राधान्य मिळत नाही. टीममधून बाहेर बसवल जातं. यावर्षी T20 वर्ल्ड कप होणार आहे. टीम मॅनेजमेंट जाडेजाच्या जागी अक्षरला प्राधान्य देणार का? ते कळेलच. असं झालं नाही, तर अक्षरवर अन्याय ठरेल. T20 क्रिकेटमध्ये अक्षर जाडेजापेक्षा वरचढ आहे.