Virat-Anushka Love Story : पहिल्या भेटीतच संताप, मैत्री आणि लग्न, अशी आहे विराट-अनुष्काची लव्हस्टोरी

मुंबई : बॉलिवूड आणि क्रिकेटचं नातं फार जुनं आहे. टीम इंडियाचा स्टार क्रिकेटर विराट कोहली आणि आघाडीची बॉलिवूड अभिनेत्री अनुष्का शर्मा या दोघांनी अनेक वर्ष रिलेशनमध्ये राहिल्यानंतर अखेर लगीनगाठ बांधली. दोघांनी 11 डिसेंबर 2017 रोजी इटलीत लग्न केलं. त्यानंतर भारतात परतल्यावर दोघांनी दिल्ली आणि मुंबईत जंगी रिसेप्शनचं आयोजन केलं होतं. व्हेलेंटाईन वीकला अवघे काही दिवस राहिले आहेत. या व्हेलंटाईन वीकच्या निमित्ताने या दोघांनी लव्हस्टोरी कशी होती, हे आपण जाणून घेणार आहोत.

पहिली भेट कशी झाली?

विराट आणि अनुष्काच्या पहिल्या भेटीचा किस्सा अगदी भन्नाट आहे. दोघेही एका जाहिरातीनिमित्त पहिल्यांदा 2013 मध्ये भेटले होते. पहिली भेटीत मी फार घाबरलो होतो. ही भीती नाहीशी करण्यासाठी आणि अनुष्कासोबत बोलण्यासाठी जोक मारला होता. जाहिरातीदरम्यान अनुष्का विराटपेक्षा उंच दिसत होती. यावर विराटने जोक केला. “तुला वाटत नाही का तु फार उंच हिल्स घालतेस”, असं विराट म्हणाला.

विराटच्या या जोकवर अनुष्काचा पारा चढला. “एक्सक्यूज मी”, अशा 2 शब्दातच अनुष्काने आपला राग व्यक्त केला. अनुष्काच्या या प्रतिक्रियेमुळे भलतीच स्थिती निर्माण झाली. मात्र त्यानंतर दोघांमध्ये मैत्री झाली.

अनुष्काला फ्लाइंग किस

विराटने 2014 मध्ये शतक ठोकलं. या सामन्याला अनुष्काही उपस्थित होती. विराटने सेंच्युरी पूर्ण केल्यानंतर अनुष्काच्या दिशेने पाहिलं. भर मैदानात विराटने अनुष्काला फ्लाईंग किस दिलं. या मॅचनंतर विराट-अनुष्का जवळ आले. मैत्रीचं रुपांतर प्रेमात झालं आणि मग ‘बँड बाजा बारात’.

कन्यारत्न

लग्नाच्या 4 वर्षांनी दोघांना कन्यारत्न प्राप्त झालं. अनुष्काने गोंडस मुलीला जन्म दिला. या दोघांनी आपल्या लेकीचं नाव वामिका असं ठेवलं.

कमाई

विराट-अनुष्का दोघांची कमाईही जबरदस्त आहे. जीक्यू इंडियन मॅगजीननुसार, विराटची एकूण संपत्ती ही 900 कोटींची आहे. तर अनुष्काकडे 350 कोटींची संपत्ती आहे.