Watch: ‘तुम्ही मुलं मला हार्ट अ‍टॅक आणाल’ मैदानावरचे अंपायर भारतीय खेळाडूंना असं का म्हणाले?

Watch: 'तुम्ही मुलं मला हार्ट अ‍टॅक आणाल' मैदानावरचे अंपायर भारतीय खेळाडूंना असं का म्हणाले?

मार्कराम बाद होण्याच्याआधी त्याचा षटकात शार्दुल ठाकूरने मार्कराम विरोधात दोन जोरदार अपील केले होते. त्यामुळे मैदानावरील वातावरण तापले.

टीव्ही 9 मराठी डिजीटल टीम

| Edited By: दीनानाथ मधुकर परब, टीव्ही 9 मराठी डिजीटल

Jan 06, 2022 | 5:08 PM

जोहान्सबर्ग: जिंकण्याची इर्षा, त्वेष यामुळे जोहान्सबर्गच्या वाँडर्स स्टेडियमवर भारत आणि दक्षिण आफ्रिकेमध्ये सुरु असलेल्या कसोटी सामन्यात मैदानावरील वातावरण तापत चाललं आहे. खेळाडूंमध्ये खुन्नस, ठसनच्या घटना मैदानावर घडत असून मैदानावरील पंचांना सुद्धा त्याची धग जाणवतेय. शार्दुल ठाकूरचं षटक संपल्यानंतर अंपायर इरास्मस यांनी मैदानावर घडणाऱ्या घटनाक्रमामुळे आपल्याला हार्ट अ‍टॅक येईल असं म्हटलं. (Why umpire Erasmus said to India ‘you guys are giving me a heart-attack’)

दुसऱ्या डावात दक्षिण आफ्रिकेची फलंदाजी सुरु असताना डावाच्या 10 व्या षटकात शार्दुल ठाकूरने एडन मार्करामला आऊट केलं. मार्कराम बाद होण्याच्याआधी त्याचा षटकात शार्दुल ठाकूरने मार्कराम विरोधात दोन जोरदार अपील केले होते. त्यामुळे मैदानावरील वातावरण तापले.

षटक संपल्यानंतर खेळाडू बाजू बदलत होते. त्यावेळी पंच इरास्मस यांनी “प्रत्येक षटकानंतर तुम्ही मुलं मला हार्ट अ‍टॅक आणाल” असं विधान केलं. स्टंम्पसवरच्या मायक्रोफोनने ते शब्द ऐकले. इरास्मस यांनी जे म्हटलं, तिसऱ्यादिवसाच्या खेळात मैदानावर तसंच घडत होतं. दोन्ही बाजूच्या खेळाडूंमध्ये मैदानावर शाब्दीक बाचाबाची सुरु होती.

ऋषभ पंत फलंदाजी करत असताना, रेसी वान डर डुसेंने स्लेजिंग केले. जसप्रीत बुमराह हा शांत स्वभावाचा खेळाडू म्हणून ओळखला जातो. पण त्याचा सुद्धा संयम सुटला व मैदानावर आफ्रिकेचा गोलंदाज मार्को जॅनसेनला तो भिडला.

संबंधित बातम्या: 

ट्रोलर्सना सडेतोड उत्तर देणारी भारताची कॅप्टन मिताली राजबद्दल काही खास गोष्टी
IND vs SA: ‘तुम्ही जोहान्सबर्ग कसोटी जिंका हेच त्याच्यासाठी बेस्ट बर्थ डे गिफ्ट’, गावस्करांची टीम इंडियाला विनंती
Rishabh Pant: ‘मला खात्रीय राहुल द्रविडनं त्याला बांबू लावला असेल’, पंतच्या खेळण्यावर गावस्करांचा टिपिकल मराठमोळा अवतार

(Why umpire Erasmus said to India ‘you guys are giving me a heart-attack’)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें