IPL 2021 | ‘या’ स्टार क्रिकेटपटूला तुम्ही ओळखलंत का?

आयपीएलच्या 14 व्या मोसमाला (ipl 2021) 9 एप्रिलपासून सुरुवात होणार आहे. मुंबई इंडियन्सने (mumbai indians) ट्विटरवरुन इशान किशनचा (Ishan Kishan childhood photo) लहाणपणीचा फोटो शेअर केला आहे.

IPL 2021 | 'या' स्टार क्रिकेटपटूला तुम्ही ओळखलंत का?
आयपीएलच्या 14 व्या मोसमाला (ipl 2021) 9 एप्रिलपासून सुरुवात होणार आहे. मुंबई इंडियन्सने (mumbai indians) ट्विटरवरुन इशान किशनचा (Ishan Kishan childhood photo) लहाणपणीचा फोटो शेअर केला आहे.
Follow us
| Updated on: Mar 09, 2021 | 7:13 AM

मुंबई : आयपीएलच्या 14 व्या मोसमासाठीच्या (IPL 2021) वेळापत्रकाची नुकतीच घोषणा करण्यात आली. यावेळेस आयपीएलचं आयोजन भारतात करण्यात आलं आहे. त्यामुळे चाहत्यांमध्ये उत्साहाचं वातावरण आहे. 14 व्या मोसमाचं वेळापत्रक जाहीर झाल्यानंतर अनेक फ्रँचायजी आपल्या टीमच्या चाहत्यांना आपल्याकडे आकर्षित करायले लागले आहेत. विविध फोटो आणि गिफ फाईल शेअर करुन चाहत्यांचं मनोरंजन करण्यात येत आहे. दरम्यान मुंबई इंडियन्सने (Mumbai Indians) आपल्या ट्विटरवरुन स्टार खेळाडू इशान किशनचा (Ishan Kishan) लहानपणाचा एक फोटो शेअर केला आहे. (IPL 2021 Mumbai Indians are shared cricketer Ishan Kishan childhood photo)

या फोटोमध्ये इशान किशनच्या हातात ट्रॉफी दिसत आहे. या फोटोसोबत गत मोसमातील ट्रॉफीसोबतचा फोटो कोलाज केला आहे. या कोलाज करण्यात आलेल्या फोटोत इशानच्या हातात ट्रॉफी आहे. “काही सवयी कधीच बदलत नाहीत” असं कॅप्शन या फोटोला दिलं आहे. हा फोटो नेटकऱ्यांना चांगलाच पसंतीस पडला आहे.

गत मोसमात सर्वाधिक षटकार

सिक्स म्हटलं की आपल्याला सर्वात आधी आठवतो (Chris Gayle) ख्रिस गेल. गेल आपल्या तडाखेदार खेळीसाठी आणि गगनचुंबी सिक्ससाठी प्रसिद्ध आहे. अशा दिग्गद फलंदाजाला न जमलेली कामगिरी इशानने गेल्या मोसमात केली होती. इशानने गेल्या पर्वात सर्वाधिक सिक्स खेचण्याचा विक्रम केला होता. इशानने या हंगामात एकूण 30 सिक्स लगावले होते.

इशान किशनची 13 व्या मोसमातील कामगिरी

इशानने 13 व्या मोसमातील 14 सामन्यातील 13 डावात बॅटिंग केली. यामध्ये त्याने 145.76 च्या स्ट्राईक रेटने तसेच 57.33 च्या सरासरीने 13 डावांमध्ये 36 चौकार आणि 30 षटकारांसह 516 धावा केल्या आहेत. यामध्ये 4 अर्धशतकांचा समावेश आहे. इशानची 99 ही या मोसमातील सर्वोच्च धावसंख्या आहे.

इशान किशनचा क्रिकेटचा प्रवास

इशान किशनचा जन्म 18 जुलै 1998 रोजी बिहारच्या पाटणात झाला. इशान लहानपणापासून क्रिकेटमध्ये माहिर होता. इशानची क्षमता ओळखून त्याच्या कुटुंबियांनी पाठिंबा दिला. इशांतने मोठ्या भावाच्या सल्ल्यानुसार क्रिकेट क्लब जॉईन केलं. “इशानची प्रतिभा ही भारतीय संघाचा माजी खेळाडू महेंद्रसिंह धोनी आणि ऑस्ट्रेलियाचा खेळाडू गिलक्रिस्टसारखी आहे”, असं त्याचे कोच संतोष कुमार यांचं म्हणणं आहे.

इशानच्या क्रिकेट करियरमध्ये त्याचे कोच संतोष कुमार यांची भूमिका महत्त्वाची आहे. बीसीसीआयने जेव्हा काही कारणास्तव बिहार क्रिकेट असोसिएशनची मान्यता रद्द केली तेव्हा संतोष कुमार यांनी इशानला दुसऱ्या राज्यात खेळण्याचा सल्ला दिला होता. त्यानंतर इशान रांची शहरात गेला. त्याने रांचीत मेहनत केली. मेहनतीला फळ मिळालं. इशानची झारखंडच्या रणजी टीमसाठी निवड झाली. रणजी टॉफी स्पर्धेत दिल्लीविरुद्ध इशानने सर्वाधिक 273 धावा केल्या.

इशान किशानला 2016 च्या अंडर 19 क्रिकेट विश्वकप स्पर्धेत कर्णधारपदाची धुरा सोपवण्यात आली. या स्पर्धेत इशानने चांगली कामगिरी केली. या कामगिरीच्या आधारावर इशानला 2016 साली आयपीएलमध्ये खेळण्याची संधी मिळाली. 2 वर्ष तो गुजरात लॉयन्स संघातून खेळला. त्यानंतरपासून तो मुंबई इंडियन्सकडून खेळतोय.

इंग्लंड विरुद्धच्या टी 20 मालिकेसाठी संधी

दरम्यान आयपीएलआधी टीम इंडिया विरुद्ध इंग्लंड यांच्यात टी 20 आणि वनडे मालिका खेळवण्यात येणार आहे. आयपीएलमध्ये केलेल्या चमकदार कामगिरीच्या जोरावर इशानने इंग्लंड विरुद्धच्या टी 20 मालिकेसाठी संधी देण्यात आली आहे. या टी 20 मालिकेत एकूण 5 सामने खेळवण्यात येणार आहेत. 12 मार्चपासून या मालिकेला सुरुवात होणार आहे. इशानला खेळण्याची संधी मिळाल्यास त्याचं टी 2o पदार्पण ठरेल. त्यामुळे इशानला प्लेइंग इलेव्हनमध्ये संधी मिळाल्यास त्याच्या खेळाकडे सर्वांचेच लक्ष असणार आहे.

संबंधित बातम्या :

IPL 2020 : ‘सिक्सर किंग’ ख्रिस गेलला न जमलेला रेकॉर्ड मुंबई इंडियन्सच्या इशान किशनच्या नावे

IPL 2021 Mumbai Indians Schedule | मुंबईकर ‘पलटण’ पहिल्या सामन्यात बंगळुरु विरुद्ध भिडणार, जाणून घ्या मुंबईच्या सामन्यांचे वेळापत्रक

(IPL 2021 Mumbai Indians are shared cricketer Ishan Kishan childhood photo)

Non Stop LIVE Update
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.