आयपीएल लिलाव : दिग्गजांना मागे टाकत हे नवखे खेळाडू करोडपती बनले!

जयपूर : आगामी आयपीएल मोसमासाठी खेळाडूंचा लिलाव पार पडलाय. जयदेव उनाडकट आणि वरुण चक्रवर्ती हे दोघे सर्वात महागडे खेळाडू ठरले आहेत. राजस्थान रॉयल्सने जयदेव उनाडकटवर, तर किंग्ज इलेव्हन पंजाबने वरुण चक्रवर्तीवर प्रत्येकी 8.40 कोटी रुपयांची बोली लावली. इंग्लंडचा सॅम करन हा सर्वात महागडा दुसरा खेळाडू ठरला, ज्याच्यावर पंजाबने 7.20 कोटी रुपयांची बोली लावली. फ्रँचायझींनी 351 […]

Sachin Patil | सचिन पाटील | Edited By: | Updated on: Jul 05, 2019 | 4:49 PM

जयपूर : आगामी आयपीएल मोसमासाठी खेळाडूंचा लिलाव पार पडलाय. जयदेव उनाडकट आणि वरुण चक्रवर्ती हे दोघे सर्वात महागडे खेळाडू ठरले आहेत. राजस्थान रॉयल्सने जयदेव उनाडकटवर, तर किंग्ज इलेव्हन पंजाबने वरुण चक्रवर्तीवर प्रत्येकी 8.40 कोटी रुपयांची बोली लावली. इंग्लंडचा सॅम करन हा सर्वात महागडा दुसरा खेळाडू ठरला, ज्याच्यावर पंजाबने 7.20 कोटी रुपयांची बोली लावली.

फ्रँचायझींनी 351 पैकी 70 खेळाडूंवर बोली लावली, ज्यात 20 परदेशी खेळाडू आहेत. युवराज सिंह मुंबई इंडियन्सकडून खेळताना दिसेल, तर लसिथ मलिंगाचंही मुंबई इंडियन्समध्ये पुनरागमन झालंय. गेल्या मोसमातही जयदेव उनाडकटवर मोठी बोली लागली होती. यावर्षी पुन्हा एकदा तो मालामाल झालाय.

युवराज सिंह मुंबईत

सिक्सर किंग युवराज सिंहच्या चाहत्यांसाठी आनंदाची बातमी आहे. मुंबई इंडियन्सने युवीला बेस प्राईस एक कोटी रुपयांमध्ये खरेदी केलं आहे. लिलावाच्या पहिल्या टप्प्यात युवराजवर कुणीही बोली लावली नाही आणि तो अनसोल्ड राहिला. पण मुंबई इंडियन्सने त्याला नवसंजीवनी दिली आहे. त्यामुळे युवी आता मुंबईकडून खेळताना दिसेल. वाचा – आयपीएलमध्ये युवराज सिंहला अखेर खरेदीदार मिळाला!

कोणत्या संघात कुणाचा समावेश?

चेन्नई सुपर किंग्ज :

मोहित शर्मा – 5 कोटी

ऋतुराज गायकवाड – 20 लाख

दिल्ली कॅपिटल्स

कुलिन इंग्राम – 6.40 कोटी

अक्षर पटेल – 5 कोटी

हनुमा विहारी – 2 कोटी

शेरफाने रुदरफोर्ड – 2 कोटी

इशांत शर्मा – 1.10 कोटी

कीमो पॉल – 50 लाख

जलाज सक्सेना – 20 लाख