IPL 2021 : लग्नानंतर बुमराहचं क्रिकेटच्या मैदानावर पुनरागमन, घातक यॉर्करने दांडी गुल, मुंबईकडून व्हिडीओ शेअर!
लग्नानंतर बुमराहचा पहिलाच आयपीएल (IPL 2021) हंगाम आहे. बुमराहच्या यॉर्करचा व्हिडीओ ट्विट करत समोरील संघांची दांडी गुल करण्यास बुमराह सज्ज असल्याचं मुंबई इंडियन्सने (Mumbai Indians) सांगितलं आहे. Jasprit Bumrah Fantastic yorker Mumbai Indians Video
मुंबई : मुंबई इंडियन्सचा घातक गोलंदाज जसप्रीत बुमराहने (Jasprit Bumrah) लग्नानंतर पुन्हा क्रिकेटच्या मैदानावर पुनरागमन केलं आहे. लग्नानंतर त्याचा हा पहिलाच आयपीएल (IPL 2021) हंगाम आहे. बुमराहच्या यॉर्करचा व्हिडीओ ट्विट करत समोरील संघांची दांडी गुल करण्यास बुमराह सज्ज असल्याचं मुंबई इंडियन्सने (Mumbai Indians) सांगितलं आहे. सरावादरम्यानचा हा व्हिडीओ दिसून येत आहे. या व्हिडीओत त्याने अप्रतिम यॉर्कर टाकून स्टम्पचा अचूक वेध घेतला आहे. (Jasprit Bumrah Fantastic yorker Mumbai Indians Video)
टीम इंडियाचा यॉर्कर किंग जसप्रीत बुमराह काही दिवसांपूर्वीच विवाहबद्ध झालाय. बुमराह प्रसिद्ध क्रीडा निवेदिका संजना गणेशनसोबत (sanjana ganesan) लग्नबेडीत अडकला आहे. हा विवाहसोहळा गोव्यात पार पडला. या विवाह सोहळ्यानंतर बुमराहने मुंबईच्या इंडियन्सच्या ट्रेनिंग कॅम्पमध्ये भाग घेतला आहे. या सराव शिबिरात तो प्रचंड घाम गाळताना दिसून येत आहे.
पाहा व्हिडीओ :
BOOM…ED! ?#OneFamily #MumbaiIndians #MI #IPL2021 @Jaspritbumrah93 pic.twitter.com/8P6OrZJysq
— Mumbai Indians (@mipaltan) April 4, 2021
बुमराहच्या जीवनातील नव्या इनिंगला सुरुवात
जसप्रीत बुमराह प्रसिद्ध क्रीडा निवेदिका संजना गणेशनसोबत (sanjana ganesan) काहीच दिवसांपूर्वी लग्नबेडीत अडकला आहे. हा विवाहसोहळा गोव्यात पार पडला. लग्नासाठी संजना गणेशन आणि आणि (Anupama Parameswaran) दाक्षिणात्य अभिनेत्री अनुपमा परमेश्वरन यांच नाव चर्चेत होतं. पण बुमराहने संजनासोबत लगीनगाठ बांधली. आता बुमराहच्या जीवनातील नव्या इनिंगला सुरुवात झाली आहे.
पाठीमागच्या मोसमात बुमराहच्या नावावर मुंबईकडून सर्वाधिक विकेट्स
नुकताच लग्नबंधनात अडकलेला यॉर्कर किंग जसप्रीत बुमराह आयपीएलच्या रणसंग्रामासाठी सज्ज झाला आहे. 2013 पासून तो मुंबईकडून खेळतो आहे. पाठीमागच्या मोसमात त्याने मुंबईकडून 27 विकेट्स घेऊन मुंबईला चॅम्पियन बनविण्यात सिंहाचा वाटा उचलला.
आयपीएलचं रण सज्ज, पहिला सामना 9 तारखेला
इंडियन प्रीमयर लीगचं (the Indian Premier League) यंदाचं वेळापत्रक निश्चित झालं आहे. येत्या 9 एप्रिल ते 30 मे दरम्यान आयपीएल (IPL 2021) सामने खेळवण्यात येणार आहेत. 14 व्या पर्वाचा थरार एकूण 51 दिवस रंगणार आहे. यादरम्यान 56 साखळी, 3 बाद फेरीतील सामने आणि अंतिम सामना असे एकूण 60 मॅचेस खेळवण्यात येणार आहेत. या मोसमात सर्व सामने हे त्रयस्थ ठिकाणी खेळवले जाणार आहेत. यामुळे कोणत्याही संघाला त्यांच्या होम ग्राऊंडचा फायदा मिळणार नाही. कोरोनामुळे साखळी फेरीतील सर्व सामन्यांचं आयोजन हे 6 शहरात करण्यात आलं आहे.
(Jasprit Bumrah Fantastic yorker Mumbai Indians Video)
हे ही वाचा :
49 रन्सवर आऊट केलं म्हणून बॅट्समनने फिल्डरला बॅटने बडवलं, पोलीस ठाण्यात तक्रार, फिल्डर बेशुद्ध!
