Asian Games 2023 | चिराग-सात्विक जोडीची ऐतिहासिक कामगिरी, बॅडमिंटनमध्ये भारताला पहिल्यांदाच सुवर्ण पदक
Asian Games Mens Badminton Doubles Final Chirag Shetty and Satwik Sairaj Clinch Golden Medal | टीम इंडियाची एशियन गेम्समध्ये पदकांची लयलूट सुरुच आहे. आता टीम इंडियाने मेन्स डबलमध्ये गोल्ड मेडल जिंकलं आहे.
होंगझोऊ | चीनमधील होंगझोऊमध्ये एशियन गेम्स 2023 स्पर्धा खेळवण्यात येत आहे. या स्पर्धेत भारतीय खेळाडूंचा धमाका सुरुच आहे. टीम इंडियाने आता आणखी गोल्ड मेडल जिंकला आहे. चिराग शेट्टी आणि सात्विक साईराज रंकीरेड्डी या जोडीने इतिहास रचला आहे. टीम इंडियाने बॅडमिंटन मेन्स डबल्समध्ये सुवर्ण पदकाची कमाई केली आहे. या दोघांनी भारताला पहिल्यांदाच बॅडमिंटन या खेळात गोल्ड मेडल मिळवून देण्याची कामगिरी केली आहे. चिराग-सात्विक या दोघांनी दक्षिण कोरियाच्या चोई सोल आणि किम वोंग या जोडीवर 21-18 आणि 21-16 अशा फरकाने मात केली. चिराग आणि सात्विक या दोघांचं आता सर्वत स्तरातून अभिनंदन केलं जात आहे.
टीम इंडियाच्या चिराग आणि सात्विक या दोघांना गोल्ड मेडलसाठी चांगलाच संघर्ष करावा लागला. चिराग आणि सात्विक ही जोडी खेळात मागे पडली. मात्र त्यानंतर या दोघांनी जोरदार मुसंडी मारत 13-13 अशी बरोबरी साधली. त्यानंतर चिराग आणि सात्विक या दोघांनी तडाखेदार कामगिरी केली. या दोघांनी पहिला सेट आपल्या नावावर केला. टीम इंडियाने 21-18 अशा 3 पॉइंट्सच्या फरकाने सेट खिशात घातला.
दुसऱ्या सेटमध्ये काय झालं?
टीम इंडियाच्या या जोडीने दुसऱ्या सेटमध्येही शानदार कामगिरी सुरुच ठेवली. तर दुसऱ्या बाजूला दक्षिण कोरियाच्या जोडीने कमबॅक करण्याचा प्रयत्न केला. या प्रयत्नात काही पॉइंट्सही मिळवले. मात्र टीम इंडियाच्या चिराग आणि सात्विक या दोघांनी नियंत्रण मिळवत आघाडी कायम राखली. टीम इंडियाने दुसरा सेट हा 5 पॉइंट्सच्या फरकाने 21-16 असा जिंकला आणि सुवर्ण पदकावर आपलं नाव कोरलं.
टीम इंडियाचं बॅडमिंटनमधील पहिलवहिलं ऐतिहासिक सुवर्ण
🔝 TEAM of SAT-CHI💯🏸
🇮🇳’s dynamic duo @satwiksairaj and @Shettychirag04 has once again given us a moment that will go down in history.👏
With unparalleled teamwork, they have clinched the 1️⃣st ever Gold🥇 Medal in the Men Doubles Event.
Also the 1️⃣st ever Gold🥇 medal in… pic.twitter.com/Wf4rdQk4ML
— SAI Media (@Media_SAI) October 7, 2023
दरम्यान चिराग आणि सात्विक या जोडीने चोई सोल आणि किम वोंग या दक्षिण कोरियाच्या जोडीला चितपट केलं होतं. मलेशिया ओपनमध्ये टीम इंडियाच्या या जोडीने कोरियाच्या या जोडीचा 21-16 आणि 21-13 पराभूत केलं होतं. तर त्याआधी फ्रेंच ओपन 2022 स्पर्धेतील उपांत्य फेरीत 21-18 आणि 21-14 च्या फरकाने मात करत अंतिम फेरीत प्रवेश केला होता.
