Elon Musk : एलॉन मस्क फुटबॉलच्या मैदानात, मँचेस्टर युनायटेड खरेदी करण्याचे टि्वट मधून संकेत

नवी दिल्ली : आपल्या ट्विट्समुळे चर्चेत राहणारे एलोन मस्क (Elon Musk) यानं एंका नव्या वादाला तोंड फोडले आहे. जगातील सर्वात श्रीमंत व्यक्तीने ट्विटरवर (Tweet) लिहिले की तो इंग्लंडचा फुटबॉल क्लब मँचेस्टर युनायटेड (Manchester United) विकत घेत आहे. त्यांच्या या ट्विटनंतर इंटरनेटवर जणू भूकंपच झाला. ट्विटरवर टेस्ला प्रमुख खरोखरच हा फुटबॉल क्लब विकत घेणार आहे की नाही याबद्दल प्रत्येकजण बोलू लागला. वास्तविक, मस्क  आज सकाळी एक ट्विट केले. त्यांनी लिहिले, हे अगदी स्पष्ट आहे की मी अर्ध्या रिपब्लिकन पक्षाला आणि अर्ध्या डेमोक्रॅटिक पक्षाला पाठिंबा देतो. या ट्विटनंतर त्याने आणखी एक पोस्ट केले, ज्यामध्ये त्याने लिहिले की, मी मँचेस्टर युनायटेड खरेदी करत आहे, तुमचे स्वागत आहे. मस्कच्या या ट्विटवर यूजर्सनी अनेक प्रश्न उपस्थित केले आहेत.

एलोन मस्कचं ट्विट

To be clear, I support the left half of the Republican Party and the right half of the Democratic Party!

— Elon Musk (@elonmusk) August 16, 2022

एलोन मस्क अनेकदा असे ट्विट करतात, जे चर्चेचा विषय बनतात. त्यामुळे त्यांनी ट्विटरवर मँचेस्टर युनायटेडला विकत घेण्याची घोषणा केली आहे, परंतु या वेळी वापरकर्त्यांचा स्वतःवर विश्वास बसत नाही आणि एलोन मस्क यांनीही याबद्दल आणखी काही लिहिले नाही.

नुकताच ट्विटरसोबतचा करार तुटला

इलॉन मस्कने अलीकडेच सोशल मीडिया साइट ट्विटरशी देखील करार तोडला आहे. याआधी त्यांनी ट्विटरसोबत मोठी डील केली होती. मात्र, नंतर त्यांनी या करारातून बाहेर पडले. याबाबत ट्विटरने मस्कविरोधात खटलाही दाखल केला आहे. ट्विटरने म्हटले आहे की अब्जाधीश मस्क करारातून बाहेर पडण्यासाठी स्पॅम खाती वापरत आहेत.

सोशल मीडिया प्लॅटफॉर्म आणू शकतात

टेस्लाचे सीईओ एलोन मस्क ट्विटरवर सुरू असलेल्या कायदेशीर लढाई दरम्यान काहीतरी मोठे करण्याची तयारी करत आहेत. रिपोर्टनुसार, एलोन मस्क लवकरच त्यांचे नवीन सोशल मीडिया प्लॅटफॉर्म X.com लाँच करू शकतात. याआधी मस्कने ट्विटरला 44 बिलियन डॉलर्समध्ये विकत घेण्याचा प्रस्ताव ठेवला होता, त्यानंतर त्यांनी डीलमधून माघार घेतली. ट्विटरसोबतच्या डीलच्या वादामुळे एलोन मस्क नवीन सोशल मीडिया प्लॅटफॉर्म X.com लाँच करण्याचा विचार करत असल्याचा अंदाज वर्तवला जात आहे. या व्यासपीठाच्या नावाची घोषणा खुद्द मस्क यांनी केली आहे. 10 ऑगस्ट रोजी, एका चाहत्याने मस्कला विचारले की जर ट्विटर करार झाला नाही तर तो स्वतःचे सोशल प्लॅटफॉर्म तयार करण्याचा विचार करू शकतो. प्रत्युत्तरात मस्क म्हणाले, – X.com. मात्र, त्यांनी याबाबत अधिक माहिती दिली नाही.