Pro Wrestling League 2026: प्रो रेसलिंग लीग स्पर्धेची रंगत, सहा गटात कुस्तीचे सामने! जाणून घ्या
प्रो रेसलिंग स्पर्धेचा थरार 15 जानेवारीपासून रंगला आहे. प्रत्येक सामन्यानंतर या स्पर्धेची रंगत वाढत आहे. या कुस्तीच्या लीगमुळे ऑलिम्पिक स्पर्धेत भारताची ताकद आणखी वाढणार आहे.
प्रो रेसलिंग लीग स्पर्धेचा थरार पुन्हा एकदा कुस्तीप्रेमींना अनुभवायला मिळत आहे. एका विश्रांतीनंतर पुन्हा एकदा कुस्तीपटू प्रो रेसलिंग लीग स्पर्धेच्या रिंगणात उतरले आहे. प्रो रेसलिंग लीग ही भारतातील एक प्रमुख व्यावसायिक कुस्ती लीग आहे. ही लीग भारतातील अव्वल कुस्तीपटूंना आणि आघाडीच्या आंतरराष्ट्रीय खेळाडूंना एका व्यावसायिक हंगाम-आधारित स्वरूपात एकत्र आणते. देशाच्या पारंपरिक आखाडा प्रणालीतून पुढे येणाऱ्या कुस्तीपटूंना सातत्यपूर्ण स्पर्धा, राष्ट्रीय ओळख आणि शाश्वत करिअरचे मार्ग प्रदान करण्यासाठी डिझाइन केलेली आहे.
प्रो रेसलिंग लीग 2026 स्पर्धेत दिल्ली दंगल वॉरियर्स, हरियाणा थंडर्स, टायगर्स ऑफ मुंबई दंगल, महाराष्ट्र केसरी, पंजाब रॉयल्स आणि यूपी डोमिनेटर्स हे सहा संघ उतरले आहेत. एकूण 15 साखळी फेरीचे सामने खेळले जात आहेत. यात कुस्ती संघ राउंड रॉबिन पद्धतीने एकमेकांशी दोन हात करत आहेत. गुणतालिकेत अव्वल चार 30 आणि 31 जानेवारीला उपांत्य फेरीचे सामने खेळतील. तर 1 जानेवारीला अंतिम फेरीचे सामने होणार आहेत.
प्रो रेसलिंग लीगचा उद्देश
- कुस्तीपटूंसाठी संरचित व्यावसायिक स्पर्धा
- राष्ट्रीय आणि आंतरराष्ट्रीय स्तरावरील अनुभव
- तळागाळापासून उच्च स्तरापर्यंतच्या मार्गांना बळकटी देणे
- भारतात कुस्तीला एक मुख्य प्रवाहातील प्रेक्षक खेळ म्हणून उंचावणे
कुठे पाहता येईल ही स्पर्धा
नोएडा इनडोअर स्टेडियम, उत्तर प्रदेश येथे होणार आहे आणि त्याचे राष्ट्रीय स्तरावर सोनी लिव्ह आणि सोनी स्पोर्ट्स नेटवर्कवर थेट प्रक्षेपण केले जात आहे.
कोण आघाडीवर? कोण पिछाडीवर?
महाराष्ट्र केसरी संघाने सध्या 4 सामने खेळले असून तीन सामन्यात विजय आणि एका सामन्यात पराभव झाला आहे. सध्या पारड्यात 6 गुण असून पहिल्या स्थानवर आहे. यूपी डोमिनेटर्स दुसऱ्या स्थानावर असून 4 पैकी 2 सामन्यात विजय आणि 2 सामन्यात पराभव झाला आहे. यूपी डोमिनेटर्स पारड्यात 4 गुण आहेत. हरयाणा थंडर्सने 3 सामने खेळले असून 2 सामने जिंकलेत. तर एका सामन्यात पराभव झाला आहे. 4 गुणांसह तिसऱ्या स्थानावर आहे. पंजाब रॉयल्सची स्थिती हरयाणासारखीच असून पारड्यात 4 गुण आहेत. दिल्ली दंगल वॉरियर्सने 3 पैकी फक्त एकाच सामन्यात विजय मिळवला आहे. दिल्लीच्या पारड्यात 2 गुण आहेत. टायगर्स ऑफ मुंबई दंगलची स्थिती नाजूक आहे. आतापर्यंत खेळलेल्या तिन्ही सामन्यात पराभव झाला असून पारड्यात काही गुण नाहीत.
View this post on Instagram
प्रो रेसलिंग 2026 लीग स्पर्धेचे सामने
- 25 जानेवारी, रविवार, मुंबई दंगल विरुद्ध हरयाणा थंडर्सचे टायगर्स – रात्री 8.00 वाजता
- 26 जानेवारी, सोमवार, महाराष्ट्र केसरी विरुद्ध पंजाब रॉयल्स – रात्री 8.00 वाजता
- 27 जानेवारी, मंगळवार, दिल्ली दंगल वॉरियर्स विरुद्ध मुंबई दंगलचे टायगर्स – रात्री 8.00 वाजता
- 28 जानेवारी, बुधवार, यूपी डोमिनेटर्स विरुद्ध हरयाणा थंडर्स – रात्री 8.00 वाजता
- 29 जानेवारी, गुरुवार, पंजाब रॉयल्स विरुद्ध दिल्ली दंगल वॉरियर्स – रात्री 8.00 वाजता
- 30 जानेवारी, शुक्रवार, उपांत्य फेरी 1 (लीग रँक 1 विरुद्ध लीग रँक 4) -रात्री 8.00 वाजता
- 31 जानेवारी, शनिवार, उपांत्य फेरी 2 (लीग रँक 2 विरुद्ध लीग रँक 3) – रात्री 8.00 वाजता
- 1 फेब्रुवारी, रविवार, अंतिम सामना – रात्री 8.00 वाजता
