रोहितचं दीडशतक, अनेक विक्रम खिशात, रितीकाचा जल्लोष

मुंबई : भारत आणि वेस्ट इंडीज यांच्यात सुरु असलेल्या पाच वनडे मालिकेतील चौथा सामना, सोमवारी 29 ऑक्टोबरला मुंबईच्या ब्रेबॉन स्टेडियमवर खेळवण्यात आला. या सामन्यात भारताचा उपकर्णधार आणि मुंबईकर रोहित शर्माने झंझावती 162 धावांची खेळी केली. रोहितने वनडे कारकिर्दीतील 21वं शतक साजरं करत अनेक विक्रम खिशात टाकले. रोहित शर्माने 137 चेंडूचा सामना करताना 162 धावा ठोकल्या. …

, रोहितचं दीडशतक, अनेक विक्रम खिशात, रितीकाचा जल्लोष

मुंबई : भारत आणि वेस्ट इंडीज यांच्यात सुरु असलेल्या पाच वनडे मालिकेतील चौथा सामना, सोमवारी 29 ऑक्टोबरला मुंबईच्या ब्रेबॉन स्टेडियमवर खेळवण्यात आला. या सामन्यात भारताचा उपकर्णधार आणि मुंबईकर रोहित शर्माने झंझावती 162 धावांची खेळी केली. रोहितने वनडे कारकिर्दीतील 21वं शतक साजरं करत अनेक विक्रम खिशात टाकले.

रोहित शर्माने 137 चेंडूचा सामना करताना 162 धावा ठोकल्या. यामध्ये 4 गगनचुंबी षटकारांचा तर 20 शानदार चौकारांचा समावेश होता. घरच्या मैदानावर 150 धावांचा टप्पा पार केल्यानंतर हिटमॅन रोहित शर्माने त्याच जल्लोषात सेलिब्रेशन केले. यावेळी साऱ्या ब्रेबॉन स्टेडियममध्ये टाळ्यांचा कडकडाट सुरु होता. यावेळी रोहितची पत्नी रितीका सजदेह-शर्माही मैदानात उपस्थित होती. प्रेक्षक गॅलरीत असलेल्या रितीकाने रोहितच्या शतकानंतर उभं राहून कौतुक केलं.

भारतीय क्रिकेट संघाच्या इन्स्टाग्राम अकाऊंटवर रोहित शर्माच्या सेलिब्रेशनचा व्हिडीओ शेअर करण्यात आला आहे. या व्हिडीओमध्ये रोहितने दीडशतक पुर्ण केल्यानंतर पत्नी रितीकाचं सेलिब्रेशनही दिसत आहे.

रोहितच्या या धमाकेदार खेळीमुळे भारताला वेस्ट इंडीजविरुद्ध मोठा विजय मिळवता आला. भारताने हा सामना तब्बल 224 धावांनी जिंकला. या सामन्यात रोहित ज्या फॉर्ममध्ये फलंदाजी करत होता, ते पाहता तो स्वत:चं चौथे द्विशतक पुर्ण करेल असंच वाटत होतं. मात्र, वेगाने द्विशतकाकडे निघालेला रोहितचा वारु, वेस्ट इंडिजच्या नर्सने रोखला. त्याने रोहितला हेमराजकरवी झेलबाद केलं.

दरम्यान रोहितनं मास्टर-ब्लास्टर सचिन तेंडुलकरचा एक विक्रम मोडला आहे. रोहितने सचिनचा 195 षटकारांचा विक्रम मोडला आहे. रोहितच्या नावावर 198 षटकार जमा झाले आहेत. याशिवाय
रोहितनं 186 डावांत 21 शतकं पूर्ण करण्याचा पराक्रम गाजवत, कमी डावात 21 शतकं ठोकण्याच्या यादीत चौथं स्थान मिळवलं आहे. या यादीत विराट कोहली पहिल्या तर दक्षिण आफ्रिकेचा हाशिम आमला दुसऱ्या स्थानावर आहेत. तिसऱ्या क्रमांकावर आफ्रिकेचा माजीधडाकेबाज फलंदाज एबी डिव्हिलियर्स आहे.

 

View this post on Instagram

 

And the runs keep on coming for the Hitman ?????? 150 for @rohitsharma45 #TeamIndia #INDvWI

A post shared by Team India (@indiancricketteam) on

कमेंट करा

कमेंट करा

Your email address will not be published. Required fields are marked *