Dale Steyn | नववर्षाच्या सुरुवातीला आफ्रिकेच्या ‘स्टेन गन’ची मोठी घोषणा, आयपीएलमध्ये खेळणार नाही
आफ्रिकेचा स्टार गोलंदाज डेल स्टेनने मोठा निर्णय घेतला आहे. स्टेनने ट्विट करत याबाबतची माहिती दिली आहे.
मुंबई : दक्षिण आफ्रिकेचा माजी वेगवान गोलंदाज डेल स्टेनने (Dale Steyn) नववर्षाच्या सुरुवातीला मोठा निर्णय घेतला आहे. स्टेनने आगामी आयपीएलच्या 14 व्या मोसमात (IPL 2021) न खेळण्याचा निर्णय घेतला आहे. स्टेनने स्वत: ट्विट करत याबाबतची माहिती दिली आहे. वैयक्तिक कारणांमुळे खेळणार नसल्याचं स्टेनने म्हटलं आहे. (south africa faster bowler dale styen will not play in ipl 2021)
काय म्हटलंय ट्विटमध्ये ?
Cricket tweet ?
Just a short message to let everyone know that I’ve made myself unavailable for RCB at this years IPL, I’m also not planning on playing for another team, just taking some time off during that period.
Thank you to RCB for understanding.
No I’m not retired. ?
— Dale Steyn (@DaleSteyn62) January 2, 2021
मी सर्वांना एक संदेश देऊ इच्छितो. मी आयपीएलच्या आगामी मोसमात रॉयल चॅलेंजर्ससाठी उपलब्ध नसेन. मी या कालावधीत दुसऱ्या स्पर्धेत खेळण्याचा विचार करत आहे. तसेच बंगळुरु टीम मॅनेजमेंटने मला समजून घेतलं आणि सहकार्य केलंत. त्यासाठी मी आभारी आहे, असं ट्विट स्टेनने केलं आहे.
स्टेनच्या ट्विटला RCBचं उत्तर
स्टनेच्या ट्विटला आरसीबीने उत्तर दिलं. संघात तुझी उणीव भासेल, असं भावनिक उत्तर आरसीबीने दिलं आहे.
You will be missed, Dale Steyn! Thank you for the memories and keep rooting for us. ??? https://t.co/7b4WZ348wZ
— Royal Challengers Bangalore (@RCBTweets) January 2, 2021
स्टेनला आयपीएलच्या 13 व्या मोसमात लौकीकाला साजेशी कामगिरी करता आली नाही. स्टेनने या 13 व्या मोसमात एकूण 3 सामन्यात केवळ 1 विकेट घेता आली.
डेल स्टेनची आयपीएल कारकिर्द
डेल स्टेनने आयपीएलमध्ये एकूण 95 सामने खेळला. या 95 सामन्यांमध्ये त्याने 25.85 च्या सरासरीने आणि 6.91 या इकॉनॉमी रेटने एकूण 97 विकेट्स घेतल्या. 8 धावा देऊन 3 विकेट्स ही त्याची सर्वोत्तम कामगिरी राहिली.
स्टेनने ऑगस्ट 2019 मध्ये कसोटी क्रिकेटमधून निवृत्ती जाहीर केली होती. स्टेनने एकूण 93 कसोटींमध्ये 439 विकेट्स घेतल्या. कसोटीमधून निवृत्ती घेतल्यानंतर स्टेन आफ्रिकेसाठी एकदिवसीय आणि टी 20 क्रिकेटमध्ये खेळतोय.
संबंधित बातम्या :
भारताविरुद्धच्या सामन्यापूर्वी द. आफ्रिकेला धक्का, डेल स्टेन विश्वचषकातून बाहेर
(south africa faster bowler dale styen will not play in ipl 2021)
