Vaibhav Sooryavanshi: आयर्लंडमध्ये टीम इंडियाचे हाल, मैदानात वैभव सूर्यवंशी सराव करताना काय घडलं?

आयर्लंडविरुद्धच्या दोन सामन्यांच्या टी-20 आंतरराष्ट्रीय मालिकेसाठी भारतीय संघाच्या तयारीला गुरुवारी काही अडचणींनी सुरुवात झाली, कारण संघाला सरावाच्या सुविधा अपेक्षेपेक्षा कमी दर्जाच्या आढळल्या. एका सराव खेळपट्टीवर गोलंदाजाच्या मागे साईटस्क्रीन नसल्यामुळे फलंदाजांना चेंडू पाहणे कठीण होत होते, याबद्दल संघ व्यवस्थापन नाराज होते. वरिष्ठ भारतीय संघासोबतच्या आपल्या पहिल्याच नेट सत्रात या खेळाडूने सर्वांचे लक्ष वेधून घेतले. या डावखुऱ्या फलंदाजाने नेट सत्रात आत्मविश्वासाने फलंदाजी केली. देशांतर्गत आणि फ्रँचायझी क्रिकेटमधील आपल्या कामगिरीमुळे ओळख मिळवलेल्या या युवा खेळाडूने एका दीर्घ सराव सत्रादरम्यान आपले प्रभावी ड्राइव्ह आणि आक्रमक फटके सादर केले.

बीसीसीआयच्या एका सूत्राने सांगितले, “सरावाच्या सुविधांबाबत काही समस्या होत्या, ज्या भारतीय संघाच्या सपोर्ट स्टाफने तात्काळ आयर्लंड क्रिकेटच्या अधिकाऱ्यांच्या निदर्शनास आणल्या. भारतीय संघाच्या ऑपरेशन्स मॅनेजरने यजमान अधिकाऱ्यांशी या विषयावर चर्चा केली, त्यानंतर व्यवस्थेत सुधारणा करण्यात आली आणि सराव सत्र सुरळीतपणे पार पडले.” बेलफास्ट, जिथे सहसा क्रिकेटचे सामने फारसे होत नाहीत, तिथे वैभवच्या उपस्थितीने प्रचंड उत्साह निर्माण झाला आहे. भारतीय चाहते त्याला पाहण्यासाठी मोठ्या संख्येने गर्दी करत आहे आणि भारतीय संघ जिथे कुठे प्रवास करतो, तिथे हा युवा खेळाडू आकर्षणाचे केंद्र बनला आहे.

वैभव सूर्यवंशीबद्दलचा उत्साह केवळ खेळाडूपुरता मर्यादित नव्हता. राजस्थान रॉयल्सने सूर्यवंशीचे मॅनेजर म्हणून नियुक्त केलेल्या रोमी भिंदरसोबत अनेक चाहते सेल्फी घेताना दिसले. भिंदर सूर्यवंशीच्या पालकांसोबत भारतीय संघाच्या हॉटेलमध्ये प्रवेश करताना दिसले. सामना संध्याकाळी सहा वाजता सुरु होईल. या सामन्यात वैभव सूर्यवंशीला डेब्यू मिळतो की नाही आणि तो सचिन तेंडुलकरांचा विक्रम मोडतो का यावर सगळ्यांचे लक्ष असणार आहे.

भारतीय संघ:

श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, तिलक वर्मा (उपकर्णधार), सूर्यांश शेडगे, अक्षर पटेल, वॉशिंग्टन सुंदर, मोहम्मद सिराज, अर्शदीप सिंग, प्रिन्स यादव, हर्षित राणा, रवी बिश्नोई आणि वैभव सूर्यवंशी.