Odisha Train Accident : अपघात पाहून हादरला विराट कोहली, लिहीली इमोशनल पोस्ट
विराट कोहली सध्या इंग्लंडमध्ये आहे. त्याचे संपूर्ण लक्ष वर्ल्ड टेस्ट चॅम्पियनशिपच्या फायनलकडे होते, पण ओडिशातील रेल्वे अपघाताची बातमी ऐकून तो अस्वस्थ झाला.
नवी दिल्ली : ओडिशामध्ये काल संध्याकाळी ७ च्या सुमारास झालेल्या रेल्वे अपघाताने (train accidet) संपूर्ण देश हादरला आहे. या अपघाताने शेकडो कुटुंबांना एका झटक्यात आयुष्यभर वेदना दिल्या. सोशल मीडियावर व्हायरल होत असलेल्या अपघाताचे व्हिडिओ हृदय हेलावून टाकणारे आहेत. या अपघातात आतापर्यंत 280 हून अधिक लोकांचा मृत्यू झाला आहे. तर 900 हून अधिक गंभीर जखमी आहेत. ही घटना ऐकून क्रिकेटपटू विराट कोहलीही (Virat Kohli) आतून हादरला.
कोहली सध्या वर्ल्ड टेस्ट चॅम्पियनशिपच्या फायनलसाठी इंग्लंडमध्ये आहे. रॉयल चॅलेंजर्स बंगळुरूचा आयपीएलमधील प्रवास लीग टप्प्यात संपल्यानंतर तो इंग्लंडला रवाना झाला, जिथे कोहली अंतिम सामन्याच्या तयारीत व्यस्त आहे. 7 ते 11 जून दरम्यान ओव्हल येथे अंतिम सामना खेळवला जाईल. त्याचं पूर्ण लक्ष फक्त या फायनलवर होतं, पण त्याच दरम्यान भारतातील या मोठ्या रेल्वे अपघाताची बातमी ऐकून त्याला वेदनाही झाल्या आहेत.
कोहलीने व्यक्त केले दु:ख
कोहलीने शनिवारी ट्विट करत या अपघाताबद्दल दु:ख व्यक्त केले. शातील वेदनादायक रेल्वे अपघाताबद्दल ऐकून वाईट वाटले. या अपघातात ज्यांनी आपल्या प्रियजनांना गमावले, माझ्या प्रार्थना त्या कुटुंबांसोबत आहेत, असे कोहली म्हणाला. अपघातात जखमी झालेल्यांची प्रकृती लवकरात लवकर बरी होवो, अशी प्रार्थनाही कोहलीने केली.
Saddened to hear about the tragic train accident in Odisha. My thoughts and prayers go out to the families who lost their loved ones and wishing a speedy recovery to the injured.
— Virat Kohli (@imVkohli) June 3, 2023
संपूर्ण देश सोबत उभा आहे
भारताचा माजी क्रिकेटपटू गौतम गंभीरनेही ट्विट केले आहे की, या अपघातातील मृतांच्या कुटुंबीयांना देव शक्ती देवो. जखमींना लवकरात लवकर बरे वाटावे, अशी प्रार्थना करत, संपूर्ण देश त्यांच्या पाठीशी उभा असल्याचे त्याने नमूद केले.
Devastated by the loss of lives in Odisha. May god give strength to the families of victims. Wishing speedy recovery to those injured. Nation stands with you.
— Gautam Gambhir (@GautamGambhir) June 3, 2023
हरभजन सिंगने ट्विट केले की, ओडिशा ट्रेन दुर्घटनेबद्दल जाणून घेणे खूप वेदनादायक आहे. त्यांनी रेल्वे मंत्रालयाला लवकरात लवकर प्रवाशांना वाचवण्याचे आवाहन केले आहे.
Pained to know about railway accident in Odisha involving Coromandel express and another passenger train. Thoughts and prayers are with the families of those who lost their near and dear ones. Appeal @RailMinIndia & Govt. of Odisha to rescue the passengers at the earliest.
— Harbhajan Turbanator (@harbhajan_singh) June 2, 2023
