LIVE सामन्यातच ‘भारतीय’ महिलेकडून ‘पाकिस्तान जिंदाबाद’च्या घोषणा

मुंबई: सोशल मीडियावर एक व्हिडीओ व्हायरल होत आहे. यात एक भारतातील मुस्लीम महिला पाकिस्तान जिंदाबादच्या घोषणा देत असल्याचा दावा करण्यात आला आहे. हा व्हिडीओ पाकिस्तानी वंशाचे कॅनडीयन लेखक तारिक फतह यांनी ट्विटरवर शेअर केला आहे. तसेच ती महिला अहमदाबादमधील रहिवासी असल्याचा दावा केला आहे.

संबंधित व्हिडीओमध्ये सुरु असलेल्या सामन्यातील खेळाडूंच्या ड्रेसवरुन हा सामना पाकिस्तान आणि अफगाणिस्तानचा असल्याचे दिसते. दरम्यान, सामना सुरु असतानाच एक महिला पाकिस्तान जिंदाबादच्या घोषणा देत आहे. तारिक फतह यांनी आपल्या ट्विटमध्ये म्हटले, “भारतातील अहमदाबादची एक महिला पाकिस्तानी क्रिकेट चाहत्यांसोबत आणि ‘क्रिकेट चाचा’सोबत “पाकिस्तान जिंदाबाद”च्या घोषणा देत आहेत. तसेच ते पाकिस्तान भारताविरोधात देखील जिंकेल असे म्हणत आपली निष्ठा व्यक्त करत आहेत.”

Muslim woman from Ahmedabad, India repeatedly chants “Pakistan Zindabad” as she poses with ‘Cricket Chacha’ and Pakistani fans at the World Cricket Cup in England. “Pakistan will win against India,” she gloats as she lets her guard down to reflect her true loyalty. pic.twitter.com/Fhzw9zSLDn

— Tarek Fatah (@TarekFatah) July 3, 2019

तारिक फतह यांनी शेअर केलेल्या व्हिडीओत एक महिला प्रसिद्ध क्रिकेट फॅन ‘क्रिकेट चाचा’ उर्फ चौधरी अब्दुल जलील यांच्यासोबत फोटो काढताना दिसत आहे. त्यानंतर ही महिला पाकिस्तान जिंदाबादच्या घोषणा देते. यावेळी ती पाकिस्तान भारताविरुद्धच्या सामन्यात जिंकेल, असेही म्हणते. ही महिला व्हिडीओत स्वतःला गुजरातमधील अहमदाबादची असल्याचे सांगत आहे. तसेच क्रिकेट चाचा देखील आपण अहमदाबादला भेट दिल्याचे सांगत आहे. संबंधित महिला आपल्या मुलीसारखी असल्याचेही ते सांगतात.

‘अहमदाबाद पोलीस संबंधित महिलेच्या मागावर’

फतह यांच्या या ट्विटवर भारतीय क्रिकेट चाहत्यांनी मोठ्या प्रमाणात प्रतिक्रिया दिल्या आहेत. अहमदाबाद पोलिसांच्या गुन्हे शाखेचे पथकही या महिलेचा शोध घेत आहेत. पोलिसांनी अनेक ठिकाणी शोध मोहिम राबवली आहे. ‘टाईम्स ऑफ इंडिया’ या इंग्रजी वृत्तवाहिनीशी बोलताना एका वरिष्ठ पोलीस अधिकाऱ्याने संबंधित महिला अहमदाबादची असून ती ब्रिटनमध्ये राहत असल्याची शक्यता वर्तवली आहे.