पुढच्या वर्षी नोकियाचा स्वस्त 5G फोन लाँच होणार

पुढच्या वर्षी नोकियाचा स्वस्त 5G फोन लाँच होणार

मुंबई : Samsung, Huawei आणि Vivo ने यावर्षी आपल्या 5G स्मार्टफोनची घोषणा केली. पण या स्मार्टफोनची किंमत जास्त आहे. याच दरम्यान आता नोकियाही आपला 5G स्मार्टफोन लाँच करण्याच्या तयारीत आहे. नोकियाही आता 5G स्मार्टफोन लाँच करणार असल्याने सॅमसंग, हुवेई, विवो आणि नोकियामध्ये स्पर्धा होणार आहे.

विशेष म्हणजे या स्मार्टफोनची किंमत इतर 5G स्मार्टफोनच्या तुलनेने खिशाला परवडणारी असेल, अशी माहिती HMD ग्लोबलचे चीफ प्रोडक्ट ऑफिसर जुहो सरविकास यांनी एका मुलाखतीमध्ये दिली.

युजर्स वाढवण्यासाठी कंपनी 5G स्मार्टफोन लाँच करत आहे. दुसऱ्या कंपनीच्या तुलनेने आपल्या फोनची किंमत कमी असावी, याकडे कंपनी लक्ष देत आहे. नोकिया सध्या या फोनसाठी चिपसेट तयार करणाऱ्या क्वॉलकमसोबत काम करत आहे. हा फोन 2020 पर्यंत लाँच केला जाईल, असं जुहो सरविकास यांनी सांगितले.

चिनमध्ये विवोचा 5GVivo iQoo Pro लाँच करण्यात आला आहे. या फोनची चीनमध्ये किंमत 3,198 युआन (भारतीय रुपयात 32 हजार 300 रुपये) आहे. या फोनमध्ये मोठी स्क्रीन, स्नॅपड्रॅगन 855 प्लस प्रोसेसर आणि पॉवरफुल बॅटरी दिली आहे.

5G म्हणजे काय?

सेल्युलर फोनच्या तंत्रज्ञानाच्या विकासातील पाचव टप्पा म्हणजे 5G तंत्रज्ञान, यामुळे मोबाईलवरील डाऊनलोडिंग आणि अपलोडिंगचा स्पीड वाढणार असून नेटवर्क कनेक्ट होण्याचा स्पीडही वाढणार आहे.

कमेंट करा

कमेंट करा

Your email address will not be published. Required fields are marked *