स्मार्टफोन खरेदी करायचाय? तर मग ही बातमी तुमच्यासाठी, 8 हजारांमध्ये मिळतोय जबरदस्त मोबाईल

तुम्ही जर नवीन फोन खरेदी करण्याचा विचार करत आहात आणि तुमचे बजेट 8000 हजार रूपयांपेक्षा कमी असेल तर चिंता करू नका. तुम्ही या बजेट रेंजमध्ये पोकोचा उत्तम स्मार्टफोन खरेदी करू शकतात. ज्यामध्ये 5200mAh ची मोठी बॅटरी आहे. या फोनचे नाव Poco C71 आहे. चला तर मग आजच्या लेखात आपण या फोनची किंमत किती आहे आणि या डिव्हाइसमध्ये मोठ्या बॅटरीशिवाय इतर कोणते फीचर्स आहेत? ते जाणून घेऊयात.

पोको सी71 ची भारतातील किंमत

5200mAh बॅटरी असलेला हा बजेट स्मार्टफोन 4GB रॅम आणि 64GB स्टोरेज व्हेरिएंटची किंमत 7 हजार 799 रुपयांपासून सुरू होते. तर 6GB रॅम आणि 128GB स्टोरेज व्हेरिएंटसाठी तुम्हाला 8 हजार 799 रुपये खर्च करावे लागतील. या किंमतीच्या रेंजमध्ये Poco चा हा फोन Realme Narzo 80 Lite 4G, Motorola g06 Power आणि Samsung Galaxy A07 LTE सारख्या स्मार्टफोनशी स्पर्धा करतो.

पोको सी71 स्पेसिफिकेशन्स

स्क्रीन: या पोको फोनमध्ये 6.88-इंचाचा एचडी+ रिझोल्यूशन स्क्रीन आहे ज्याचा रिफ्रेश रेट 120 हर्ट्झ, पीक ब्राइटनेस 600 निट्स आणि 240 हर्ट्झ टच सॅम्पलिंग रेट आहे. फोन वेट टचला देखील सपोर्ट करतो, जो वापरकर्त्यांना ओल्या हातांनीही फोन ऑपरेट करण्याची परवानगी देतो असा दावा केला जातो.

चिपसेट: या हँडसेटमध्ये Unisoc T7250 प्रोसेसर वापरण्यात आला आहे.

कॅमेरा सेटअप: फोनमध्ये मागील बाजूस 32-मेगापिक्सेलचा ड्युअल रियर कॅमेरा सेटअप आणि समोर 8-मेगापिक्सेल कॅमेरा सेन्सर असेल.

बॅटरी: फोनला पॉवर देण्यासाठी एक पॉवरफुल 5200mAh बॅटरी देण्यात आली आहे, जी 15W वायर्ड चार्जिंगला सपोर्ट करते.

कनेक्टिव्हिटी: डिव्हाइसमध्ये 4G VoLTE, GPS, ड्युअल-बँड वाय-फाय, USB टाइप-सी पोर्ट, ब्लूटूथ आवृत्ती 5.2 आणि 3.5 मिमी ऑडिओ जॅक आहे. सुरक्षिततेसाठी फोनमध्ये साइड-माउंटेड फिंगरप्रिंट सेन्सर देखील आहे. विशेष म्हणजे या मोबाईलची किंमत इतर फोनच्या तुलनेत स्वस्त आहे. त्यामुळे हा फोन खरेदी करणं परवडू शकतं.