जिओची उत्तम ऑफर, 3 महिन्यांच्या रिचार्जवर मिळणार 1 महिना मोफत डेटा आणि ओटीटी लाभ
रिलायन्स जिओने त्यांच्या जिओ होम ग्राहकांसाठी एक उत्तम ऑफर लाँच केली आहे. कंपनी प्रत्येक तीन महिन्यांच्या रिचार्जवर अतिरिक्त एक महिन्याची मोफत वैधता देणार आहे, ज्यामुळे एकूण चार महिन्यांचा लाभ मिळेल. चला तर मग जिओच्या या खास ऑफरबद्दल जाणून घेऊयात.
रिलायन्स जिओ पुन्हा एकदा आपल्या ग्राहकांसाठी एक उत्तम ऑफर घेऊन आले आहे. कंपनीने X वर एक पोस्ट शेअर करून या बेस्ट ऑफरची घोषणा केली आहे. तर जिओच्या या रिचार्ज ऑफरमध्ये तीन महिन्यांच्या जिओ होम प्लॅनसोबत एक महिन्याची मोफत वैधता दिली जात आहे. याचा अर्थ असा की, तीन महिन्यांच्या रिचार्जवर तुम्हाला चार महिन्यांचे फायदे मिळतील.
ज्यांना जिओ होमबद्दल माहिती नाही, त्यांच्यासाठी ही एक ब्रॉडबँड सेवा आहे जी मनोरंजनाचे फायदे देखील देते. ग्राहकांना इंटरनेट, मनोरंजन आणि लाईव्ह टीव्ही हे सर्व एकाच प्लॅनमध्ये मिळते. चला तुम्हाला या ऑफरची संपूर्ण माहिती जाणून घेऊयात. तुम्ही जर नवीन जिओ होम कनेक्शन खरेदी केले तर तुम्हाला प्रत्येक तीन महिन्यांच्या रिचार्जवर एका महिन्याचा अतिरिक्त लाभ मिळेल.
जिओचा 555 रूपयांचा प्लॅन
555 रूपयांचा हा तीन महिन्यांच्या वैधतेचा एक एंट्री-लेव्हल प्लॅन आहे. कंपनी आता या प्लॅनसोबत एक महिन्याची अतिरिक्त वैधता देणार आहे. या प्लॅनमध्ये 30Mbps चा स्पीड मिळतो. यामध्ये दरमहा 1000GB डेटा, तसेच 800 हून अधिक लाईव्ह टीव्ही चॅनेल्स आणि 10 ते 12 OTT ॲप्सचा ॲक्सेस मिळतो. 555 रूपयांचा प्लॅन तीन महिन्यांसाठी रिचार्ज केल्यास GST सह 2,222 रूपये शुल्क भरावे लागेल.
More matches. More movies. More streaming. 🔥
Get 1 month FREE with every 3-month JioHome recharge!
Link: https://t.co/9NVfeVwLv1#JioHomeJioMore #GoogleGeminiPro #Jio pic.twitter.com/yj05GmCTFO
— Reliance Jio (@reliancejio) March 24, 2026
जिओ 833 रूपयांचा प्लॅन
जिओचा 833 रूपयांचा हा जिओ होम प्लॅन 100Mbps स्पीडसह येतो. GST नंतर या तीन महिन्यांच्या प्लॅनची किंमत 3,333 असेल. या प्लॅनमध्ये कॉलिंग आणि OTT लाभांसोबतच दरमहा अंदाजे 1000GB डेटा देखील मिळतो.
POV: You just unlocked the ultimate entertainment cheat code.
Recharge now & get 1 month FREE with every 3-month JioHome plan!
Link: https://t.co/9NVfeVwLv1#JioHomeJioMore #JioHome pic.twitter.com/95OwQlPTjp
— Reliance Jio (@reliancejio) March 25, 2026
जिओ होम 100 एमबीपीएस प्लॅन
एक 100Mbps प्लॅन देखील आहे, ज्यामध्ये दरमहा 1000GB डेटा, कॉलिंग आणि 16 OTT फायदे मिळतात. हा प्लॅन वापरकर्त्यांना 833 रुपयांच्या प्लॅनपेक्षा जास्त OTT फायदे देतो. 16 OTT फायद्यांसह मासिक प्लॅनची किंमत 1199 रुपये आहे आणि GST सह हा प्लॅन तीन महिन्यांसाठी 4 हजार 444 रुपयांना उपलब्ध आहे.
