Vivo T5 Lite 5G स्मार्टफोनची लाँच डेट कंफर्म, 6500mAh बॅटरीसह भारतीय बाजारपेठेत करणार सादर
विवोचा नवीन फोन Vivo T5 Lite 5G पुढील आठवड्यात लाँच होणार आहे. कंपनीने केवळ फोनच्या लाँचची तारीखच निश्चित केली नाही, तर फोनची बॅटरी क्षमता आणि तो उपलब्ध होणाऱ्या विविध रंगांच्या पर्यायांचीही माहिती दिली आहे. चला तर मग आजच्या लेखात याबद्दल जाणून घेऊयात.
विवोचा नवीन 5G स्मार्टफोन पुढील आठवड्यात भारतीय बाजारपेठेत धमाकेदार एँट्री करण्याच्या तयारीत आहे. कंपनीने फोनच्या लाँचची तारीख निश्चित केली आहे. कंपनीच्या टी-सिरीजमधील हा नवीन फोन अधिकृत लाँच झाल्यानंतर फ्लिपकार्टवर विक्रीसाठी उपलब्ध होईल. या फोनच्या मायक्रोसाइटवरून असे दिसून येते की, हा फोन दोन रंगांच्या पर्यायांमध्ये लाँच केला जाईल.
त्यासोबतच हे देखील समोर आले आहे की, या फोनमध्ये 6500mAh क्षमतेची बॅटरी असेल आणि तो 44W फास्ट चार्जिंगला सपोर्ट करेल. विवोचा हा नवीन 5G फोन पुढील आठवड्यात 16 जुलै रोजी दुपारी 12 वाजता ग्राहकांसाठी लाँच केला जाईल.
The wait ends soon, and the Turbo experience begins. Meet the vivo T5 Lite 44W on 16th July 2026.#vivoT5Lite #GetSetTurbo pic.twitter.com/KLFKwqehej
— vivo India (@Vivo_India) July 10, 2026
मायक्रोसाईटवर दिसलेल्या फोनच्या मागील पॅनलवरून असे दिसून येते की, हा फोन फिकट निळा आणि काळा अशा दोन रंगांच्या पर्यायांमध्ये लॉन्च केला जाईल आणि त्यात ड्युअल रियर कॅमेरा सेटअप असेल. फ्लिपकार्ट व्यतिरिक्त, विवो इंडियाच्या अधिकृत साईटवरही एक मायक्रोसाईट तयार करण्यात आली आहे, ज्यावरून असे सूचित होते की कंपनी फोन लाँच होण्याआधी काही फिचर्स लीक करू शकते.
Vivo T5 Lite 5G ची अपेक्षित फिचर्स
या आगामी विवो स्मार्टफोनमध्ये 120Hz रिफ्रेश रेट आणि 1200 nits पीक ब्राइटनेस असण्याची शक्यता आहे. वेग आणि मल्टीटास्किंगसाठी यात मीडियाटेक डायमेन्सिटी 6300 प्रोसेसर असण्याचीही शक्यता आहे. तसेच पाणी आणि धुळीपासून संरक्षणासाठी यात IP65 रेटिंग असून, ते मिलिटरी-ग्रेड टिकाऊपणा प्रदान करते. हा नवीनतम विवो फोन कंपनीच्या OriginOS 6 कस्टम स्किनवर चालेल. या डिव्हाइसमध्ये AI कॅप्शन, AI क्रिएशन, AI ट्रान्सक्रिप्ट असिस्ट, AI डॉक्युमेंट्स आणि प्रायव्हेट स्पेस यांसारखे फिचर्स देखील उपलब्ध असतील.
Vivo T4 Lite 5G लाँच किंमत
हा विवो फोन गेल्या वर्षी जूनमध्ये 9 हजार 999 रूपयांच्या सुरुवातीच्या किंमतीत लाँच करण्यात आला होता. यामध्ये 50-मेगापिक्सलचा ड्युअल रियर कॅमेरा सेटअप आणि 5-मेगापिक्सलचा सेल्फी कॅमेरा आहे. यात मीडियाटेक डायमेन्सिटी 6300 प्रोसेसर, 90Hz रिफ्रेश रेट आणि 6.74-इंचाचा HD+ डिस्प्ले आहे.
