12 वर्कआऊट मोड्ससह Oppo चा फिटनेस बँड लाँच होणार
Oppo Band Style हा ओप्पो कंपनीचा पहिला फिटनेस बँड असणार आहे. हा फिटनेस बँड 8 मार्चला लाँच केला जाईल. (Oppo fitness Band)
मुंबई : Oppo ही मोबाईल निर्माती कंपनी लवकरच फिटनेस बँड लाँच करणार आहे. ओप्पो बँड स्टाईल (Oppo Band Style) हा या कंपनीचा पहिला फिटनेस बँड असणार आहे. अनेक टेक कंपन्यांनी स्वतःचे फिटनेस बँड लॉन्च केले आहेत आणि आता Oppo कंपनीदेखील त्यांचा पहिला बँड लॉन्च करीत आहे. कंपनी 8 मार्च रोजी त्यांची F19 सिरीज लाँच करणार आहे. या सिरीजसोबत कंपनी हा फिटनेस बँडदेखील लाँच करणार आहे. (Oppo will launch their first fitness Band on March 8 named as Band Style)
12 वर्कआऊट मोड्स
कोणत्याही स्टँडर्ड फिटनेस बँडप्रमाणे हादेखील एक एंट्री लेव्हल सेगमेंटमधील बँड असेल. रियल टाईम हार्ट रेट मॉनिटरिंग आणि SpO2 मेजरमेंटसह हा बँड सादर केला जाणार आहे. कंपनीने म्हटलं आहे की, या बँडमध्ये तुम्हाला तब्बल 12 वर्कआऊट मोड्स मिळतील.
शाओमी, वनप्लसच्या पावलावर पाऊल
वनप्लस या स्मार्टफोन निर्मात्या कंपनीने काही दिवसांपूर्वी त्यांचा फिटनेस बँड लाँच केला होता. तर शाओमीने आतापर्यंत 5 फिटनेस बँड सादर केले आहेत. शाओमी आणि वनप्लसपाठोपाठ आता ओप्पोदेखील त्यांचा फिटनेस बँड सादर करत आहे.
ऑक्सिमीटर फीचर मिळणार
ओप्पोने आतापर्यंत या Oppo Band Style च्या वैशिष्ट्यांविषयी कोणतीही माहिती दिलेली नाही. फिटनेस बँड रिअल टाइम हार्ट रेट मॉनिटरिंगसह येईल. त्याच वेळी, Spo2 मॉनिटरिंग देखील प्रदान केलं जाईल जे स्लीप डिसऑर्डर डिटेक्ट करेल. गेल्या वर्षीपासून ऑक्सिमीटरची मागणी वाढली आहे. त्यामुळेच कंपन्या आता प्रत्येक स्मार्टवॉचमध्ये ऑक्सिमीटर फीचर देत आहे.
Fitness meets fashion. Introducing the must-wear #OPPOBand Style, equipped with Continuous SpO2 Monitoring, aesthetic metal buckle and many more intelligent features. #ActivateYourHealth Sale starts on 8th March. Get Notified – https://t.co/bL91hEOai2 pic.twitter.com/5gsipqbLGF
— OPPO India (@oppomobileindia) March 4, 2021
Android सपोर्ट मिळणार
या फिटनेस बँडमध्ये तुम्हाला 12 वर्कआउट मोड्स मिळतील, ज्यामध्ये रनिंग, वॉकिंग, सायक्लिंग, स्विमिंग, बॅडमिंटन, क्रिकेट, योगा आणि इतर मोड्सचा समावेश आहे. हे सर्व मोड हेटॅप हेल्थ अॅप वरून सक्रिय केले जाऊ शकतात. या बँडमध्ये तुम्हाला Android सपोर्ट मिळेल. या बँडची किंमत किती असेल, याचा खुलासा अद्याप कंपनीने केला नाही.
We’re giving away 19 OPPO F19 Pro+ 5G & 190 OPPO Bands Style! Just catch the #OPPOF19ProSeries Music Event live and answer a few simple questions @_ravidubey puts out during the event. Quite a way to #FlauntYourNights. Get Notified: https://t.co/LFsx0i6C8x pic.twitter.com/2kxzSXceDM
— OPPO India (@oppomobileindia) March 4, 2021
इतर बातम्या
शाओमीचा रिअलमीच्या सीईओवर खोटे बोलण्याचा आरोप, कंपनीने ट्विटरवर शेअर केले प्रकरण
ठरलं! ‘या’ दिवशी लाँच होणार OPPO F19 Pro 5G स्मार्टफोन, फीचर्स लीक
(Oppo will launch their first fitness Band on March 8 named as Band Style)
