7000mAh बॅटरी आणि 50MP सोनी कॅमेरा असलेला फोन भारतात झाला लाँच, जाणून घ्या त्यातील टॉप 5 फिचर्स
Moto कंपनीचा नवीन स्मार्टफोन भारतात लाँच झाला आहे. हा फोन 5G कनेक्टिव्हिटी आणि 7000mAh बॅटरीसह येतो. विशेष म्हणजे हा फोन 15 हजारापेक्षा कमी किमतीत लाँच करण्यात आला आहे. चला तर या फोनची किंमत आणि टॉप फिचर्स कोणते आहेत ते जाणून घेऊयात.
तुम्ही जर कमी किमतीत नवीन स्मार्टफोन खरेदी करण्याचा विचार करत असाल, तर भारतीय बाजारात एक उत्तम फोन लाँच करण्यात आलेला आहे. Motorola कंपनीने भारतात त्यांचा नवीन बजेट फोन Moto G57 Power 5G लाँच केला आहे. हा फोन 7000mAh बॅटरी आणि 50MP Sony कॅमेरासह येतो. फोनमध्ये Snapdragon 6s Gen 4 चिपसेट आणि मोठा 6.72-इंच डिस्प्ले आहे. फोनमध्ये 5G कनेक्टिव्हिटी आहे. तर आजच्या लेखात आपण फोनची किंमत आणि इतर स्पेसिफिकेशन्स जाणून घेऊयात.
मोटो जी57 पॉवर 5 जी ची किंमत
Moto G57 Power 5G हा 8GB + 128GB या एकाच स्टोरेज व्हेरिएंटमध्ये येतो. त्याची किंमत 14,999 रूपये आहे. मात्र इंट्रोडक्टरी ऑफरचा भाग म्हणून हा फोन 12,999 रूपयांच्या सवलतीत किमतीत खरेदी करता येईल, ज्यामध्ये बँक ऑफर्स आणि विशेष लॉन्च डिस्काउंट समाविष्ट आहे.
मोटो G57 पॉवर 5G: स्पेसिफिकेशन्स
Moto G57 Power मध्ये 6.72-इंचाचा फुल-एचडी+ एलसीडी स्क्रीन आहे ज्याचा रिफ्रेश रेट 120 हर्ट्झ, टच सॅम्पलिंग रेट 120 हर्ट्झ, पीक ब्राइटनेस 1,050 निट्स पर्यंत येतो. तर यात 20:09 आस्पेक्ट रेशो, कॉर्निंग गोरिल्ला ग्लास, 7आय प्रोटेक्शन आणि स्मार्ट वॉटर टच 2.0 सपोर्ट आहे. हा फोन अँड्रॉइड 16 वर चालतो आणि ड्युअल सिमला सपोर्ट करतो. हा ऑक्टा-कोर 4nm क्वालकॉम स्नॅपड्रॅगन 6एस जेन 4 चिपसेटने सुसज्ज आहे. यात 8 जीबी पर्यंत रॅम आणि 128 जीबी पर्यंत स्टोरेज आहे, जे 24 जीबी पर्यंत वाढवता येते. फोनला आयपी64 रेटिंग देखील आहे.
Moto G57 Power 5G: कॅमेरा आणि बॅटरी
कॅमेरा सेटअपच्या बाबतीत बोलायचे झाले तर या फोनमध्ये 50 मेगापिक्सेलचा रिअर कॅमेरा (1/1.95-इंच सोनी LYT-600 सेन्सर, f/1.8 अपर्चर, LED फ्लॅश) आहे. तर 8 मेगापिक्सेलचा 118-डिग्री अल्ट्रा-वाइड कॅमेरा (f/2.2 अपर्चर) आहे. तर हा कॅमेरा 1080p पर्यंत व्हिडिओ रेकॉर्डिंगला सपोर्ट करतो. सेल्फीसाठी यात 8 मेगापिक्सेलचा फ्रंट-फेसिंग कॅमेरा (f/2.2 अपर्चरसह) आहे. तो 1080p पर्यंत व्हिडिओ रेकॉर्ड देखील करू शकतो. फोनमध्ये साइड-माउंटेड फिंगरप्रिंट सेन्सर, 3.5 मिमी ऑडिओ जॅक, स्टीरिओ स्पीकर्स, डॉल्बी अ‍ॅटमॉस, ड्युअल मायक्रोफोन आणि MIL-STD 810H सर्टिफिकेशन आहे.
