रियलमीच्या ‘या’ नवीन फोनची बॅटरी इतकी मोठी आहे की दिवसभर चार्जिंगची चिंता मिटेल, जाणून घ्या किंमत व खास फिचर्स

रियलमीने जागतिक बाजारपेठे त्यांचा नवीन स्मार्टफोन Realme C100 5G लाँच केला आहे. हा कंपनीच्या सी सीरीजमधील नवीनतम फोन असून तो ई-कॉमर्स साइट्सवर सूचीबद्ध करण्यात आला आहे. किंमतीबद्दल बोलायचे झाल्यास, 4जीबी रॅम आणि 128 जीबी स्टोरेज व्हेरिएंटची किंमत 6,999 THB भारतीय चलनानुसार अंदाजे 20 हजार रूपयांपासून सुरू होते. याचा 6जीबी रॅम + 128जीबी स्टोरेज व्हेरिएंट अंदाजे 21 हजार रूपयांमध्ये उपलब्ध होईल. हा फोन २२ एप्रिलपासून विक्रीसाठी उपलब्ध होईल.

या स्मार्टफोनचे मुख्य वैशिष्ट्य म्हणजे त्याची बॅटरी

या फोनची 7000mAh एवढी मोठी बॅटरी हे एक पॉवरफूल वैशिष्ट्य आहे. एवढ्या मोठ्या बॅटरीमुळे तुम्ही दिवसभर आरामात फोन वापरू शकता. यात 45W फास्ट चार्जिंगची सोय देखील आहे, ज्यामुळे जलद चार्जिंगची खात्री मिळते.

डिस्प्लेबद्दल बोलायचे झाल्यास, यात 144Hz रिफ्रेश रेट असलेली मोठी 6.8-इंचाची HD+ LCD स्क्रीन आहे. याचा अर्थ स्क्रोलिंग आणि गेमिंग अतिशय सुरळीत होते. तसेच यात 900-निट ब्राइटनेस आहे, ज्यामुळे प्रखर सूर्यप्रकाशातही स्क्रीन स्पष्टपणे दिसते.

कार्यक्षमतेसाठी या फोनमध्ये मीडियाटेक डायमेन्सिटी 6300 प्रोसेसर आहे, जो दैनंदिन वापर आणि हलक्या गेमिंगसाठी चांगला मानला जातो. यात 6GB पर्यंत रॅम आणि 128GB स्टोरेज मिळते, जे मायक्रोएसडी कार्डद्वारे वाढवता येते.

कॅमेरा सुद्धा दमदार

कॅमेऱ्याबद्दल बोलायचं झालं तर फोनमध्ये 50 मेगापिक्सेलचा रियर कॅमेरा आहे. तर 5 मेगापिक्सेलचा फ्रंट कॅमेरा आहे, जो सेल्फी आणि व्हिडिओ कॉलसाठी योग्य आहे.

या फोनमध्ये 5G, Wi-Fi, ब्लूटूथ 5.3, USB टाइप-C आणि 3.5mm हेडफोन जॅक यांसारखी आवश्यक वैशिष्ट्ये देखील आहेत. सुरक्षेसाठी, यात साइड फिंगरप्रिंट सेन्सर आणि फेस अनलॉकची सुविधा आहे.

Realme C100 5G हा दीर्घ बॅटरी लाईफ आणि स्मूथ डिस्प्ले असलेल्या सर्वोत्तम स्मार्टफोन्सपैकी एक आहे. जर तुम्ही 20 हजार पेक्षा कमी किमतीचा आणि जास्त काळ टिकणारा फोन शोधत असाल, तर हा एक चांगला पर्याय असू शकतो.