रियलमी भारतातील पहिला ड्युअल 200MP कॅमेरा असलेला स्मार्टफोन लाँच करत करणार धमाका, जाणून घ्या

स्मार्टफोन मार्केटमधील कॅमेरा वॉर तीव्र होणार आहे. कारण अनेक स्मार्टफोन ब्रँड कंपन्या आपले नवीन सेगमेंट फोन लाँच करण्याच्या तयारीत आहे.नवीन लीक्सनुसार येणाऱ्या Realme GT 9 Pro मध्ये ड्युअल 200-मेगापिक्सेल रियर कॅमेरा सेटअप असू शकतो. जर हे खरे ठरले तर, सध्याच्या GT सिरीजपेक्षा हा एक महत्त्वाचा अपग्रेड असेल आणि भारतातील ड्युअल 200-मेगापिक्सेल कॅमेरे असलेला हा पहिला फोन असेल. गेल्या वर्षीच्या Realme GT 8 सिरीजनंतर पुढील पिढीच्या फोनबद्दल चर्चा जास्त रंगताना दिसून येत आहे. चला या फोनच्या कॅमेऱ्या आणि फिचर्सबद्दल जाणून घेऊयात.

लीकमुळे कॅमेरामधील मोठे अपग्रेड उघड

चिनी टिपस्टरने दावा केला आहे की 200 मेगापिक्सेल कॅमेरा हा Realme GT 9 सिरीजचा प्रमुख केंद्रबिंदू असेल. Weibo मधील एका पोस्टनुसार, कंपनी ड्युअल 200 मेगापिक्सेल सेटअपसाठी काम करत आहे आणि को-ब्रँडेड इमेजिंगवर देखील लक्ष केंद्रित करू शकते. मानक मॉडेलमध्ये एकच 200 मेगापिक्सेल सेन्सर असू शकतो, तर प्रो व्हेरिएंटमध्ये ड्युअल 200 मेगापिक्सेल कॅमेरे असू शकतात. तथापि, कंपनीने अद्याप या दाव्यांची पुष्टी केलेली नाही.

सध्याच्या GT 8 पेक्षा ते किती वेगळे असेल?

गेल्या वर्षी लाँच झालेल्या Realme GT 8 मध्ये 200MP कॅमेरा नव्हता. यात 50MP चा प्रायमरी कॅमेरा, 50MP चा टेलिफोटो लेन्स आणि 8MP चा अल्ट्रा-वाइड लेन्स आहे, तर सेल्फीसाठी 16MP चा फ्रंट कॅमेरा उपलब्ध आहे. दुसरीकडे, Realme GT 8 Pro मध्ये 200MP चा पेरिस्कोप टेलिफोटो कॅमेरा आहे जो 120x डिजिटल झूमला सपोर्ट करतो. यात 50MP चा प्रायमरी सेन्सर आणि 50MP चा अल्ट्रा-वाइड सेन्सर देखील आहे. या तुलनेवरून स्पष्ट होते की GT 9 Pro कॅमेराच्या बाबतीत लक्षणीय झेप घेऊ शकतो.

200 मेगापिक्सेल ड्युअल कॅमेरा हा नवा ट्रेंड

अहवालांनुसार यावर्षी अँड्रॉइड फ्लॅगशिप फोनमध्ये ड्युअल 200 मेगापिक्सेल कॅमेरे हा ट्रेंड बनू शकतो. ओप्पो फाइंड एक्स9 मध्ये सॅमसंग एचपी5-आधारित 200 मेगापिक्सेल मुख्य कॅमेरा आणि 200 मेगापिक्सेल पेरिस्कोप कॅमेरा असू शकतो. ओप्पो फाइंड एक्स10 प्रो, व्हिवो एक्स 300 अल्ट्रा आणि शाओमी 18 प्रो बद्दलही अशीच चर्चा होत आहे. जर असे झाले तर भारतीय बाजारात उच्च-मेगापिक्सेल कॅमेराची शर्यत तीव्र होईल.

कामगिरी आणि बॅटरी

सध्याच्या Realme GT 8 Pro मध्ये स्नॅपड्रॅगन 8 Elite Gen 5 चिपसेट आणि 120W फास्ट चार्जिंग सपोर्ट आहे, तर Realme GT 8 मध्ये स्नॅपड्रॅगन 8 Elite प्रोसेसर आणि 100W चार्जिंग आहे. दोन्ही फोनमध्ये मोठी 7,000mAh बॅटरी आणि IP66, IP68 आणि IP69 रेटिंग आहेत. GT 9 सिरीजमध्ये या वैशिष्ट्यांमध्ये आणखी वाढ होण्याची अपेक्षा आहे.