फ्लिपकार्ट सेलमध्ये Samsung Galaxy S25 FE इतक्या स्वस्तात उपलब्ध, जाणून घ्या संपूर्ण ऑफर

फ्लिपकार्टचा ‘फ्रीडम सेल’ या आठवड्याच्या अखेरीस सुरू होणार आहे. स्वातंत्र्यदिनाच्या थीमवर आधारित या विशेष सेलमध्ये फ्लिपकार्ट प्लस आणि व्हीआयपी सदस्यांना लवकर प्रवेश मिळेल आणि प्रमुख ब्रँड्सच्या लोकप्रिय स्मार्टफोन्सवर सवलत दिली जाईल. या सेलदरम्यानSamsung Galaxy S25 FE सवलतीच्या दरात उपलब्ध असेल हे निश्चित झाले आहे. हा फॅन एडिशन स्मार्टफोन एक्सिनोस 2400 प्रोसेसरवर चालतो आणि यात 50-मेगापिक्सलच्या प्रायमरी सेन्सरसह ट्रिपल रियर कॅमेरा सेटअप आहे. या सेलदरम्यान साध्या गॅलेक्सी एस25 वरही सवलत दिली जाईल. चला तर मग या ऑफरबद्दल जाणून घेऊयात.

फ्लिपकार्ट फ्रीडम सेल दरम्यान Samsung Galaxy S25 FE वर सवलत

फ्लिपकार्ट फ्रीडम सेलच्या विशेष मायक्रोसाइटवरून असे दिसून येते की, सॅमसंग गॅलेक्सी एस25 एफई सेलदरम्यान 47 हजार 999 रूपयांना फोन उपलब्ध होईल. इच्छुक खरेदीदार दरमहा 8 हजार 333 रुपयांपासून सुरू होणाऱ्या ईएमआय ऑफरसह हा हँडसेट खरेदी करू शकतील. या सवलतीच्या किमतीमध्ये फ्लॅट डिस्काउंट आणि बँक-आधारित ऑफर्स या दोन्हींचा समावेश आहे.

त्याचबरोबर गॅलेक्सी एस25 एफई सध्या फ्लिपकार्टवर 8 जीबी रॅम आणि 128 जीबी स्टोरेज व्हेरिएंटसाठी 54 हजार 999 रूपयांना सूचीबद्ध आहे. त्याच रॅमसह 256 जीबी व्हेरिएंटची किंमत 65 हजार 999 रूपये आणि 512 जीबी स्टोरेज व्हेरिएंटची किंमत 77 हजार 999 रूपये होती. हा हँडसेट गेल्या वर्षी भारतात 59 हजार 999 रूपयांच्या सुरुवातीच्या किंमतीसह लाँच झाला होता.

त्याचप्रमाणे फ्लिपकार्ट फ्रीडम सेल दरम्यान सॅमसंग गॅलेक्सी एस25 त्याच्या मूळ किंमत 74 हजार 999 रूपयांवरून कमी होऊन 57 हजार 999 रूपयांच्या सुरुवातीच्या किंमतीत उपलब्ध होणार असल्याची पुष्टी झाली आहे. ईएमआय ऑफर्स 9 हजार 999 रूपयांपासून सुरू होईल.

फ्लिपकार्ट फ्रीडम सेल 8 ऑगस्टपासून सुरू होणार असून, प्लस आणि फ्लिपकार्ट ब्लॅक सदस्यांना 7 ऑगस्टपासून 24 तासांचा अगोदरचा प्रवेश मिळेल. या सेलदरम्यान खरेदीदारांना एसबीआय क्रेडिट कार्डने पेमेंट केल्यास 10% त्वरित सूट मिळू शकेल. खरेदीदारांना नो-कॉस्ट ईएमआय ऑफर्स आणि एक्सचेंज डिस्काउंट्स देखील मिळतील. तर हा सेल कोणत्या दिवशी संपणार आहे याची तारीख अद्याप जाहीर झालेली नाही.

गॅलेक्सी एस25 एफई फिचर्स

गॅलेक्सी एस25 एफई मध्ये 120 Hz रिफ्रेश रेट आणि कॉर्निंग गोरिला ग्लास व्हिक्टस+ संरक्षणासह 6.7-इंचाचा AMOLED डिस्प्ले आहे. यात आर्मर ॲल्युमिनियम फ्रेम असून ते IP68-रेटेड बिल्डसह येते.

यात एक्सिनोस 2400 प्रोसेसर असून 50-मेगापिक्सलच्या प्रायमरी सेन्सरसह ट्रिपल रियर कॅमेरा सेटअप आहे. यात 4,900mAh क्षमतेची बॅटरी असून 45W वायर्ड आणि 15W वायरलेस चार्जिंगला सपोर्ट आहे.