Sony Tv : सोनीचा Bravia X75K स्मार्ट टीव्ही लाँच, 16GB स्टोरेज; जाणून घ्या किंमत व स्पेसिफिकेशन्स
सोनीने भारतात आपला नवीन स्मार्ट टीव्ही लाँच केला आहे. यामध्ये तुम्हाला आकर्षक फिचर्स मिळणार आहेत. यातील टीव्ही सिरियल्स Google TV सह उपलब्ध होणार असून या लेखातून टीव्हीबाबत इतर माहिती जाणून घेणार आहोत.
मुंबई : सोनी (Sony) कंपनीचे सर्वच प्रोडक्ट (Product) हे प्रीमिअम उत्पादनांसाठी ओळखले जात असते. कंपनीने आपला Sony Bravia X75K स्मार्ट टीव्ही भारतीय बाजारात लाँच केला आहे. ब्रँडचा नवीन 4K स्मार्ट टीव्ही लाइनअप चार डिसप्ले (Display) आकारांमध्ये उपलब्ध आहे. कंपनीने या टीव्हीमध्ये Sony X1 प्रोसेसर वापरले असल्याची माहिती आहे. या टीव्हीमध्ये 10W स्पीकर आणि 2K रिझोल्युशन स्क्रीन देण्यात आली आहे. नवीन टीव्ही Google TV वर काम करतो. तुम्हाला या टीव्ही मॉडेलमध्ये क्रोमकास्ट, एअर प्ले आणि होम किटदेखील उपलब्ध होणार आहे. या स्मार्ट टीव्हीची स्पेसिफिकेशन्स पुढील प्रमाणे
किती असेल किंमत?
सोनी टीव्ही सिरीजची किंमत 55,990 रुपयांपासून सुरू होते. या किंमतीत 43 इंच मॉडेलचा समावेश होतो. त्याच वेळी Sony Bravia X75K स्मार्ट टीव्हीचे 50 इंच मॉडेल 66,990 रुपयांमध्ये लाँच केले गेले आहे. ब्रँडने 55 इंच आणि 65 इंच स्क्रीन आकाराच्या प्रकारांची किंमत अद्याप उघड केलेली नाही. ही सर्व मॉडेल्स सोनी सेंटर आणि इतर आघाडीच्या इलेक्ट्रॉनिक स्टोअर्ससह ई-कॉमर्स प्लॅटफॉर्मवर उपलब्ध असतील.
स्मार्ट टीव्हीची वैशिष्ट्ये
नुकत्याच लाँच झालेल्या Sony Bravia X75K स्मार्ट टीव्ही मालिकेत चार स्क्रीनची साइज मिळते. त्यात, 43 इंच, 50 इंच, 55 इंच आणि 65 इंचाचा पर्याय उपलब्ध आहेत. टीव्हीमध्ये एलईडी डिसप्ले आहे, जो HDR10 आणि HLG फॉरमॅट सपोर्टसह उपलब्ध आहे. सोनी कंपनीच्या मते, या मालिकेतील मॉडेल्स फुल एचडी आणि 2K रिझोल्यूशन व्हिडिओ क्षमतेसह ग्राहकांसाठी उपलब्ध असणार आहेत. या टीव्हीमध्ये Sony X1 प्रोसेसर देण्यात आला आहे जो 16GB इनबिल्ट स्टोरेजसह येते. टीव्हीमध्ये, तुम्हाला Android TV वर आधारित Google TV ऑपरेटिंग सिस्टम मिळते. टीव्ही दोन 10W स्पीकरसह मिळतो. कनेक्टिव्हिटीसाठी यात ड्युअल बँड वाय-फाय, ब्लूटूथ, अॅपल एअर प्ले, तीन एचडीएमआय पोर्ट आणि दोन यूएसबी पोर्ट आहेत. हा टीव्ही गुगल असिस्टंट आणि व्हॉईस कमांड फीचरसह येतो. यामध्ये तुम्हाला हेडफोन जॅक देखील मिळेल.
