दक्षिण कोरिया : जगातील पहिला 5G सेवा सुरु करणार देश

दक्षिण कोरिया : जगातील पहिला 5G सेवा सुरु करणार देश

सियोल : सर्वात अगोदर कोणता देश 5G सेवा सुरु करणार या स्पर्धेत दक्षिण कोरियाने बाजी मारली आहे. दक्षिण कोरिया हा जगात पहिला 5G सेवा सुरु करणारा देश बनला आहे. दक्षिण कोरियाच्या दुरसंचार कंपन्यांच्या मते, त्यांनी निश्चित वेळेच्या दोन दिवसांपूर्वीच राष्ट्रीय स्तरावर 5G सेवा सुरु केल्या. दक्षिण कोरियाच्या तीन सर्वोच्च कंपन्या एसके टेलीकॉम, केटी आणि एलजी यूप्लसने बुधवारी स्थानिक वेळेनुसार रात्री 11 वाजता ही 5G सेवा सुरु केली. ही सेवा सुरु करण्यासाठी 5 एप्रिल ही तारीख निश्चित करण्यात आली होती.

सर्वात पहिले 5G सेवा सुरु करण्याच्या स्पर्धेत दक्षिण कोरियासोबत अमेरिका, चीन आणि जपानही होते. दक्षिण कोरियाने वेळेपूर्वी 5G सेवा सुरु केल्याने अमेरिकेच्या दुरसंचार कंपनी व्हेरिजॉनलाही त्यांची 5G सेवा लवकर सुरु करावी लागली. व्हेरिजॉनने बुधवारीच शिकागो आणि मिनीपोलीस येथे 5G सेवा सुरु केली. अमेरिकेने निश्चित वेळेच्या एका आठवड्यापूर्वीच ही सेवा सुरु केल्याचं सांगितलं.

दक्षिण कोरियाने अमेरिकेच्या दोन तासापूर्वी 5G सेवा सुरु केली. दक्षिण कोरियाची सर्वात मोठी दुरसंचार कंपनी एसके टेलिकॉमने गुरुवारी याबाबतची घोषणा केली. केटी आणि एलजी यूप्लसनेही तेव्हाच ही सेवा सुरु केल्याचं सांगितलं. तर 5 एप्रिलपासून सामान्य ग्राहकांसाठी ही सेवा सुरु करण्यात आली.

जानकारांच्या मते, 5G सेवा स्मार्टफोनला वेगवान कनेक्टिव्हिटी उपलब्ध करवून देईल. याची स्पीड 4G च्या तुलनेत 20 पटीने अधिक असेल. यामुळे एका सेकंदापेक्षाही कमी वेळात संपूर्ण सिनेमा डाउनलोड होईल.

Click on your DTH Provider to Add TV9 MARATHI