आता तुम्हाला अनोळखी नंबर शोधण्यासाठी TrueCaller ची गरज भासणार नाही, कारण….
सरकार CNAP किंवा कॉलिंग नेम प्रेझेंटेशन सिस्टमची चाचणी घेत आहे. हे ट्रूकॉलरसारखेच आहे परंतु हे आता सरकारी व्हेरिफिकेशनद्वारे काम करणार आहे. चला तर मग आजच्या लेखात या नवीन सिस्टम बद्दल जाणून घेऊयात.
आपल्यापैकी अनेकांना असे कॉल्स येतात जे अनोळखी असतात. त्यात अनेकजण काही फसव्या कॉल्सना बळी देखील पडतात. मात्र यावर खास उपाय आणि नागरिकांची ही समस्या दूर करण्यासाठी सरकारने स्वदेशी ॲप CNAP लाँच केला आहे. यामध्ये तुम्हाला कॉलरचा खरा आयडी तुमच्या फोन स्क्रिनवर दिसेल. अशातच जर तुमच्या फोनमध्ये अचानक असे नावं दिसेल ज्याचा नंबर तुम्ही कधीच सेव्ह केलेला नाहीत तर अशावेळेस घाबरू नका. हा भारत सरकारच्या नवीन CNAP प्रणालीची चाचणी करण्याचा एक भाग आहे. तर या CNAP मध्ये तुम्हाला कॉलरचा नंबर आणि त्याचे खरे नाव दिसेल, जे त्यांनी कनेक्शन फॉर्ममध्ये प्रविष्ट केले आहे. त्यानंतर तुम्ही सेव्ह केलेले नाव. यामुळे तुम्हाला येणाऱ्या अनोळखी कॉल्सला उत्तर द्याचे आहेत की नाही हे ठरवता येईल. सरकरचं हे पाऊल देशात कॉलर ओळख अधिक विश्वासार्ह आणि अचूक बनवण्याचे मानले जात आहे.
सरकारने अलीकडेच CNAP पोर्टलला मान्यता दिली आहे आणि टेलिकॉम कंपन्यांनी त्याची चाचणी सुरू केली आहे. त्यामुळे, अनेक वापरकर्ते त्यांच्या फोनवर अशी नावे पाहत आहेत जी त्यांनी सेव्ह केली नाहीत. पूर्वी सेव्ह न केलेले नंबर ओळखणे कठीण होते आणि वापरकर्ते Truecaller सारख्या अॅप्सवर अवलंबून असायचे. तथापि CNAP सरकारी रेकॉर्डमधून नावे पुनर्प्राप्त करते, ज्यामुळे कॉलर ओळख अधिक विश्वासार्ह बनते.
CNAP म्हणजे काय आणि ते कसे काम करते?
CNAP म्हणजे कॉलिंग नेम प्रेझेंटेशन आणि ही ट्रूकॉलर सारखीच एक कॉलर आयडी सिस्टम आहे, ज्यामध्ये सरकारी पडताळणी असते. जेव्हा कोणी कॉल करते तेव्हा त्या मोबाईल नंबरशी संबंधित आधार नाव प्रथम तुमच्या स्क्रीनवर प्रदर्शित होते. काही क्षणानंतर, ते तुमच्या सेव्ह केलेल्या नावात बदलते. याचा अर्थ असा की कॉलरचे खरे आयडी-आधारित नाव प्रथम दिसेल आणि तुमचे कस्टम लेबल पुढे दिसेल.
स्पॅम आणि फसवणूक रोखण्यासाठी CNAP कशी मदत करेल
भारतात स्पॅम कॉल आणि फसवणुकीची समस्या बऱ्याच काळापासून वाढत आहे. कॉलरची अचूक ओळख पटवून हा धोका कमी करण्याचे CNAP चे उद्दिष्ट आहे. अज्ञात नंबरवर उत्तर देताना वापरकर्ते अधिक आत्मविश्वासू होतील कारण कॉलरवरील नाव आधार कार्ड मधून व्हेरिफाय केलेलं असेल. यामुळे ट्रूकॉलरप्रमाणेच असत्यापित डेटावरील अवलंबित्व कमी होईल आणि ओळख प्रक्रिया अधिक पारदर्शक होईल.
गोपनीयता आणि चुकीचे नाव असे प्रश्न का उपस्थित केले जात आहेत?
CNAP काही सुरुवातीचे प्रश्न उपस्थित करत आहे, जसे की वापरकर्ते त्यांचे आधारशी जोडलेले नाव बदलू शकतील का आणि त्यांची नावे प्रत्येक कॉल प्राप्तकर्त्याला दिसतील का. डेटा गोपनीयतेबाबतही चर्चा सुरू झाली आहे. ही प्रणाली सध्या चाचणी टप्प्यात असताना, भविष्यात या मुद्द्यांवर स्पष्ट मार्गदर्शक तत्त्वे अपेक्षित आहेत. देशभरात ही प्रणाली सक्रिय झाल्यामुळे, लोकांना हा बदल अधिक जवळून पाहता येईल.
