Vivo : विवोचे दोन नवीन स्मार्टफोन लाँच…120Hz AMOLED डिस्प्लेसह 80W पर्यंत चार्जिंग रेंज

Vivo : विवोचे दोन नवीन स्मार्टफोन लाँच...120Hz AMOLED डिस्प्लेसह 80W पर्यंत चार्जिंग रेंज
Vivo S15 Pro
Image Credit source: social

Vivo S15 आणि Vivo S15 Pro असे दोन नवीन स्माटफोन लाँच झाले आहेत. कंपनीने हे स्मार्टफोन मिडरेंज सेगमेंटमध्ये सादर केले आहेत. मात्र, ही मालिका अजून भारतात लाँच झालेली नाही.

टीव्ही 9 मराठी डिजीटल टीम

| Edited By: शुभम कुलकर्णी

May 22, 2022 | 2:31 PM

मुंबई : विवोने विवो एस12 (Vivo S12) मालिकेनंतर थेट विवो एस15 (Vivo S15) सिरीजचा स्मार्टफोन लाँच केला आहे. या मालिकेत विवो एस15 आणि विवो एस15 प्रो (Vivo S15 Pro) स्मार्टफोन्सचा समावेश आहे. दोन्ही स्मार्टफोन्समध्ये 120Hz डिसप्ले आणि ट्रिपल रियर कॅमेरा सेटअप देण्यात आला आहे. विवो एस15 सीरीज सध्या चीनमध्ये लाँच करण्यात आली आहे. कंपनीने अद्याप विवो एस सीरीज भारतात लाँच केली नसल्याने हा फोन भारतात लाँच होणार नसल्याचे स्पष्ट करण्यात आले आहे. मात्र, कंपनी भविष्यात ही मालिका देशात सादर करू शकते, असा विश्वास अनेकांकडून व्यक्त करण्यात येत आहे.

Vivo S15 किंमत

Vivo S15 चीनमध्ये तीन स्टोरेज पर्यायांमध्ये सादर करण्यात आला आहे. या फोनच्या बेस मॉडेलमध्ये 8GB रॅम आणि 128GB स्टोरेज आहे. ज्याची किंमत 2,699 CNY म्हणजेच सुमारे 31,000 रुपये ठेवण्यात आली आहे. यानंतर त्याचे 8GB रॅम आणि 256GB स्टोरेज असलेले मॉडेल येतो, त्याची किंमत 2,999 CNY म्हणजे सुमारे 34,500 रुपये ठेवण्यात आली आहे. त्याच्या टॉप मॉडेलमध्ये 12GB रॅमसह 256GB मेमरी आहे. त्याची किंमत 3,299 CNY सुमारे 38,000 रुपये ठेवण्यात आली आहे.

Vivo S15 Pro किंमत

Vivo S15 Pro दोन स्टोरेज पर्यायांमध्ये सादर करण्यात आला आहे. त्याच्या बेस मॉडेलमध्ये 8GB रॅम आणि 256GB स्टोरेज आहे. त्याची किंमत 3,399 CNY म्हणजे सुमारे 39,000 रुपये ठेवण्यात आली आहे. त्याच्या 12GB रॅम आणि 256GB स्टोरेज व्हेरिएंटची किंमत 3,699 CNY सुमारे 42,600 रुपये आहे.

Vivo S15 चे स्पेसिफिकेशन्स

Vivo S15 मध्ये 1080×2400 पिक्सेल रिझोल्यूशन आणि 120Hz रिफ्रेश रेटसह 6.62 इंच फुल एचडी+ AMOLED डिस्प्ले आहे. हा फोन Qualcomm Snapdragon 870 प्रोसेसर सह Adreno 650 GPU ने सज्ज आहे. फोनमध्ये 66W फास्ट चार्जिंग सपोर्टसह 4,500mAh बॅटरी आहे. याच्या मागील बाजूस ट्रिपल कॅमेरा सेटअप देण्यात आला आहे. त्याचा प्राथमिक कॅमेरा 64 मेगापिक्सलचा आहे. यासोबत 8 मेगापिक्सलचा अल्ट्रावाइड लेन्स आणि 2 मेगापिक्सलचा मॅक्रो शूटर आहे. फोनच्या फ्रंटमध्ये सेल्फीसाठी 32 मेगापिक्सलचा कॅमेरा देण्यात आला आहे. हे Android 12 आधारित OriginOS वर कार्य करते.

हे सुद्धा वाचा

Vivo S15 Pro चे स्पेसिफिकेशन्स

Vivo S15 Pro मध्ये 6.56 इंच फुल HD + AMOLED स्क्रीन आहे. त्याचा रिफ्रेश दर 120Hz आहे. हे Mali-G610 GPU सह MediaTek Dimensity 8100 चिपसेटद्वारे परिपूर्ण आहे. या फोनमध्ये 80W फास्ट चार्जिंग सपोर्टसह 4,500mAh बॅटरी आहे. Vivo S15 Pro च्या मागील बाजूस ट्रिपल कॅमेरा सेटअप देखील देण्यात आला आहे. त्याचा प्राथमिक कॅमेरा 50 मेगापिक्सेल आहे. यासोबत 12 मेगापिक्सलचा अल्ट्रावाइड लेन्स आणि 2 मेगापिक्सलचा मोनोक्रोम पोर्ट्रेट सेन्सर आहे. फोनमध्ये सेल्फीसाठी 32 मेगापिक्सलचा कॅमेरा देण्यात आला आहे.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें