‘या’ आयफोन्समध्ये व्हॉट्सॲप लवकरच होणार बंद, तुमचा आयफोन यादीत आहे का? आताच जाणून घ्या

तुम्ही जर आयफोन वापरकर्ते असाल आणि तुमच्या स्क्रीनवर सॉफ्टवेअर अपडेटची सूचना दिसत असेल आणि तुम्ही ‘रिमाइंड मी लेटर’ बटण दाबून ते वारंवार टाळत असाल तर आता तुम्ही तसे करू शकणार नाही. कारण व्हॉट्सॲपने एक नवीन आदेश जारी केला आहे ज्यामध्ये तुम्ही पुढील काही महिन्यांत तुमच्या फोनचे सॉफ्टवेअर अपडेट केले नाही तर तुमचे व्हॉट्सॲप चॅट्स कायमचे बंद होऊ शकते. कंपनीने यासाठी एक अंतिम मुदतही निश्चित केली आहे. चला तर मग आजच्या लेखात आपण कोणत्या आयफोनमध्ये व्हॉट्सॲप बंद होणार आहे.

व्हॉट्सॲप त्यांचे फिचर्स आणि सुरक्षा अधिक मजबूत करण्यासाठी वेळोवेळी जुन्या ऑपरेटिंग सिस्टीमसाठीचा सपोर्ट बंद करते. याच संदर्भात कंपनीने जाहीर केले आहे की 30 नोव्हेंबर 2026 पासून तुमच्या आयफोनमध्ये व्हॉट्सॲप वापरण्यासाठी किमान आयओएस 15.5 किंवा त्याहून अधिक जास्तीचे व्हर्जन असणे आवश्यक असेल. सध्या व्हॉट्सॲप आयओएस15.1 आणि त्यापुढील व्हर्जनमध्ये चालत आहे, परंतु ही जुने व्हर्जन नोव्हेंबरच्या 30 तारखेपासून काम करणे बंद करेल.

तुमचा आयफोनमध्ये व्हॉट्सॲप नसल्यावर कितपत वापरणे फायद्याचे ठरेल?

व्हॉट्सॲप कोणत्याही आयफोन मॉडेलला पूर्णपणे ब्लॉक करत नाही. तुमचा फोन पूर्णपणे सुरक्षित राहील आणि चालू राहील. तुम्हाला फक्त नोव्हेंबरच्या अंतिम मुदतीपूर्वी तुमच्या आयफोनमधील सेटिंग्जमध्ये उपलब्ध असलेले नवीनतम सॉफ्टवेअर अपडेट करणे आवश्यक आहे.

कोणत्या आयफोन मॉडेल्सवर व्हॉट्सॲपचा परिणाम होईल?

या नवीन बदलाचा परिणाम प्रामुख्याने आयफोन 6s, आयफोन 6s प्लस, आयफोन SE (फर्स्ट जनरेशन), आयफोन 7 आणि आयफोन 7 प्लसच्या वापरकर्त्यांवर होईल. अशातच ॲपलने या सर्व जुन्या मॉडेल्ससाठी iOS 15.8.8 अपडेट आधीच जारी केले आहे. याचा अर्थ असा की हे सर्व फोन व्हॉट्सॲपच्या नवीन आवश्यकता (iOS 15.5 किंवा त्याहून अधिक) सहजपणे पूर्ण करू शकतात.

तुमचा आयफोन कसा अपडेट करायचा

तुमच्या आयफोनवर व्हॉट्सॲप सुरळीतपणे चालू ठेवण्यासाठी, तुम्हाला एक सोपी गोष्ट करायची आहे. सर्वप्रथम, तुमच्या आयफोनच्या सेटिंग्जमध्ये जा. ‘जनरल’ पर्यायावर क्लिक करा. त्यानंतर, ‘सॉफ्टवेअर अपडेट’ वर टॅप करा. जर अपडेट दिसले, तर व्हॉट्सॲप लगेच डाउनलोड करून इन्स्टॉल करा.