पाकिस्तानचे नवे चांद नवाब! व्हायरल व्हिडीओ पाहिलात का?

इस्लामाबाद: पाकिस्तानच्या कराचीमधून व्हायरल झालेल्या एका व्हिडिओने सोशल मीडियावर खळबळ उडवून दिली आहे. त्याच्या मजेशीर रिपोर्टिंगने लोकांना हसवलंय. या विचित्र मजकुरामुळे पाकिस्तानी रिपोर्टरने इंटरनेटवर खळबळ उडवून दिली. अनेक सोशल मीडिया प्लॅटफॉर्मवर तो व्हायरल झालाय. या व्हिडिओमध्ये एक मध्यमवयीन व्यक्ती ‘लाइव्ह रिपोर्टिंग’ या संकल्पनेला एका नव्या उंचीवर नेण्याचा प्रयत्न करताना दिसत आहे. हवामानाची माहिती देताना तो रिपोर्टर अशा गोष्टी करतो की, प्रेक्षक बघून थक्क होतात. रिपोर्टिंग करताना उत्साह इतका जास्त असतो की, काय योग्य आणि काय अयोग्य हेच कळत नाही.

व्हायरल क्लिपमध्ये अब्दुल रेहमान खान नावाचा एक रिपोर्टर समुद्र किनाऱ्यावर रिपोर्टिंग करत आहे. हवामानाची माहिती देण्याचे काम तो एकदम मजेशीर रित्या करत आहे. समुद्र किती खोल आहे, वातावरण कसं आहे तो ते मजेशीर आणि अतिरंजित पद्धतीने इथे सांगतोय. खरं आश्चर्य म्हणजे जेव्हा तो न डगमगता आपला मायक्रोफोन धरून समुद्रात उडी मारतो आणि मग पोहताना आपलं रिपोर्टींग चालू ठेवतो. पाण्याच्या आत जाऊन तो ते पाणी किती खोल आहे हे सांगतो.

Masterclass in weather reporting. pic.twitter.com/bedXuvcEaA

— Naila Inayat (@nailainayat) June 14, 2023

रिपोर्टर आपला कॅमेरामन तैमूर खानसोबत घाईघाईत रिपोर्टिंग संपवतो. हा व्हिडिओ सोशल मीडियावर चांगलाच व्हायरल होत आहे. अशीच एक घटना पाकिस्तानी टीव्ही रिपोर्टर चांद नवाब यांनी 2008 मध्ये केली होती, ज्याचा एक व्हिडिओ आजही लोकांमध्ये खूप लोकप्रिय आहे. अब्दुल रहमान खान यांच्या या व्हिडिओवर सोशल मीडियावर अनेक प्रतिक्रिया उमटल्या आहेत. एका युजरने हा व्हिडिओ पाहिल्यानंतर गंमत करत लिहिलं, ‘पाकिस्तानी पत्रकारांमध्ये कमालीची प्रतिभा आहे.